Densaýlyq saqtaý ministri Eljan Birtanov koronavirýs qaýpine bailanysty halyqqa keńes berdi, dep habarlaidy "Ult aqparat".
«Qazaqstandyqtarǵa aitatyn keńesimiz, qazir kóp halyq qatysatyn sharalardy toqtatý kerek, mysaly toi nemese basqa da sharalarǵa qatyspaý... Mektep boiynsha sheshim qabyldandy. Al balabaqsha boiynsha qazirgi ýaqytta biz ondai sheshim qabyldaǵan joqpyz. Ata-analar ózderi sheshýi múmkin. Keibir ata-ana jumysqa barǵannan keiin balany bir jerge qaldyrý kerek. Qazir balabaqshalardy jabý boiynsha áli sheshim qabyldanǵan joq. Múmkin jaǵdai nashar bolsa, tiisti sharalardy qabyldaimyz. Al óńir ákimdikterinde ózdigimen sheshim qabyldaý quqyǵy bar», - dedi Eljan Birtanov OKQ-da ótken baspasóz máslihatynda.
Eske sala ketsek buǵan deiin Densaýlyq saqtaý ministri Eljan Birtanov Qazaqstannyń úsh azamatynan koronavirýs infektsiiasy tabylǵanyn málim etken edi.
