دەنساۋلىق ساقتاۋ مينيسترٸ ەلجان بٸرتانوۆ كوروناۆيرۋس قاۋپٸنە بايلانىستى حالىققا كەڭەس بەردٸ, دەپ حابارلايدى "ۇلت اقپارات".
«قازاقستاندىقتارعا ايتاتىن كەڭەسٸمٸز, قازٸر كٶپ حالىق قاتىساتىن شارالاردى توقتاتۋ كەرەك, مىسالى توي نەمەسە باسقا دا شارالارعا قاتىسپاۋ... مەكتەپ بويىنشا شەشٸم قابىلداندى. ال بالاباقشا بويىنشا قازٸرگٸ ۋاقىتتا بٸز ونداي شەشٸم قابىلداعان جوقپىز. اتا-انالار ٶزدەرٸ شەشۋٸ مٷمكٸن. كەيبٸر اتا-انا جۇمىسقا بارعاننان كەيٸن بالانى بٸر جەرگە قالدىرۋ كەرەك. قازٸر بالاباقشالاردى جابۋ بويىنشا ەلٸ شەشٸم قابىلدانعان جوق. مٷمكٸن جاعداي ناشار بولسا, تيٸستٸ شارالاردى قابىلدايمىز. ال ٶڭٸر ەكٸمدٸكتەرٸندە ٶزدٸگٸمەن شەشٸم قابىلداۋ قۇقىعى بار», - دەدٸ ەلجان بٸرتانوۆ وكق-دا ٶتكەن باسپاسٶز مەسليحاتىندا.
ەسكە سالا كەتسەك بۇعان دەيٸن دەنساۋلىق ساقتاۋ مينيسترٸ ەلجان بٸرتانوۆ قازاقستاننىڭ ٷش ازاماتىنان كوروناۆيرۋس ينفەكتسيياسى تابىلعانىن مەلٸم ەتكەن ەدٸ.
