QR Premer-Ministri Asqar Maminniń tóraǵalyǵymen ótken Úkimet otyrysynda jylytý maýsymy kezinde órt qaýipsizdigin qamtamasyz etý máseleleri qaraldy, dep habarlaidy primeminister.kz saity.
Biylǵy 1 qyrkúiekten bastap QR turǵyn úi sektorynda 1 369 órt oryn aldy, bul ótken jyldyń sáikes kezeńimen salystyrǵanda 5,5%-ǵa tómen. Órt jaǵdaiynyń artýy Shymkent, Almaty, Aqmola, Soltústik Qazaqstan jáne Qyzylorda oblystarynda baiqalady, bul kóp jaǵdaida elektr jabdyqtary men peshpen jylytý júieleriniń durys paidalanylmaýyna bailanysty.
«Memleket basshysy jańadan qurylǵan Tótenshe jaǵdailar ministrliginiń aldyna azamattyq qorǵaý máselelerin damytý jáne jetildirý, órt qaýipsizdigin qamtamasyz etý, tótenshe jaǵdailardyń aldyn alý jáne joiý mindetterin qoidy. Aldyn alý men den qoiýdyń tiimdi júiesin qurýǵa baǵyttalǵan sharalar qabyldaý qajet. Azamattar men olardyń múlkin avariialar men apattardan qorǵaýdy qamtamasyz etý kerek», — dedi Mamin.
Úkimet basshysy 2018 jyldan bastap 2020 jylǵa deiin 404 órt sóndirý avtomobilin jáne 19 myń birlik jabdyq pen jaraq satyp alý arqyly órtke qarsy qyzmettiń jaraqtandyrylýy artqanyn atap ótti. Bul jumys elordada, Almaty jáne Shymkent qalalarynda, sondai-aq Atyraý men Qaraǵandy oblystarynda jaqsy jolǵa qoiylǵan. Bul rette Qostanai, Mańǵystaý jáne Pavlodar oblystarynyń ákimdikteri osy maqsattarǵa jetkilikti qarajat bólgen joq.
Premer-Ministr TJM-ge órttiń aldyn alý boiynsha jumysty naqty úilestirýdi, kúshter men quraldardyń olardy jedel sóndirýge daiyndyǵyn qamtamasyz etýdi, ásirese turǵyn úi sektory men qoǵamdyq nysandarda buzýshylyqtardy anyqtaýdy jáne órt qaýipsizdiginiń jai-kúiin baqylaýdy jalǵastyrýdy, IIM jáne áleýmettik qorǵaý organdarymen birlesip, tiisti reidtik is-sharalardy jandandyrýdy tapsyrdy.
Úkimet basshysy QR órtke qarsy qyzmetin materialdyq-tehnikalyq jaraqtandyrýdyń 2021-2023 jyldarǵa arnalǵan jol kartasyn ázirlep, bekitýdi tapsyrdy.
Óńirlerdiń ákimdikterine áleýmettik jáne kommýnaldyq infraqurylym obektileriniń órt qaýipsizdigin qamtamasyz etý tapsyryldy.
«Áleýmettik sala obektilerinde ornalasqan qazandyqtardyń jumysyn erekshe baqylaýǵa alyp, olardy ǵimarattan shyǵarý máselesin jyldamdatyp sheshý kerek. Órtke qarsy qyzmet bólimsheleri joq eldi mekenderde órt sóndirý beketterin qurý jumystaryn jalǵastyrǵan jón», — dedi Mamin.
Úkimet basshysy óńirlerdiń ákimdikterine bir ai ishinde gaz-tehnikalyq inspektsiia qurýdy jáne «Gaz jáne gazben jabdyqtaý týraly» QR zańyna sáikes (Nur-Sultan, Almaty qalalarynda, Aqmola jáne Qostanai oblystarynda jasalǵan) gaz jabdyǵyna tiisti baqylaýdy qamtamasyz etýdi tapsyrdy.
TJM-ge óńirlerdiń ákimdikterimen birlesip, jylytý maýsymy kezeńindegi órt qaýipsizdigi máseleleri boiynsha halyqpen profilaktikalyq jumysty kúsheitý týraly tapsyrma berildi.
Aita keteiik, Tótenshe jaǵdailar ministri Iu. Ilin, Shymkent qalasynyń ákimi M. Áitenov, Soltústik Qazaqstan oblysynyń ákimi Q. Aqsaqalov, Qostanai oblysynyń ákimi A. Muhambetov baiandama jasady.
