Kollaj: Azattyq Ruhy
TJM departamentteriniń basshylary sybailas jemqorlyq qylmystary úshin sottaldy, dep habarlaidy "Ult aqparat" Antikor baspasóz qyzmetine silteme jasap.
Qazaqstan Respýblikasy Áskeri sotynyń apelliatsiialyq alqasynda Almaty qalasy Tótenshe jaǵdailar departamentiniń bastyǵy, polkovnik R. Qasybaevqa qatysty úkim shyqty.
Sottalýshy merdiger uiymǵa naqty oryndalmaǵan jumys kólemi úshin tolyq qunyn zańsyz tólegen jáne tehnikalyq qadaǵalaýdyń oń qorytyndysynsyz qalanyń órt sóndirý bólimderiniń birin paidalanýǵa qabyldaǵan.
"Ol bilikti teris paidalanǵany úshin kináli dep tanylyp, úsh jylǵa bas bostandyǵynan jáne ómir boiy memlekettik qyzmette qyzmet atqarý quqyǵynan aiyryldy" - delingen habarlamada.
Sondai-aq Qyzylorda oblysynda TJM Ónerkásiptik qaýipsizdik departamenti basshysynyń orynbasary B. Stamqulovqa qatysty úkim shyqty.
"Stamqulov N. Orazbahovtan deldal A. Atajanov arqyly jetkizýshini tańdaý kezinde artyqshylyq kórsetkeni jáne gaz toltyrý pýnktteri boiynsha jobalyq qujattarǵa kedergisiz qol qoiǵanyna 500 myń teńge somasynda para alǵany úshin kináli dep tanyldy.
Sonymen qatar Stamqulov laýazymdyq ókilettikterin teris paidalaný arqyly QR TJM laýazymdy tulǵalaryna kezdesýler men bos ýaqytty uiymdastyrý syltaýymen óziniń baǵynysty 4 qyzmetkeriniń 100 000 teńge somasyndaǵy aqshalai qarajatyn iemdendi.
Oǵan 5 jyl bas bostandyǵynan aiyrý jazasy taǵaiyndaldy. Osy úkimmen para berýshi N. Orazbahov 3 jyl merzimge, deldal A. Atajanov 1 jylǵa bas bostandyǵynan aiyryldy" - delingen habarlamada.
Sottalǵandarǵa memlekettik qyzmette, jergilikti ózin-ózi basqarý organdarynda, qarjy uiymdarynda jáne kvazimemlekettik sektorda basshylyq laýazymdarda jumys isteýge ómir boiy tyiym salynady.
Úkimder zańdy kúshine enbedi.
