QR Tótenshe jaǵdailar ministri Iýrii Ilin biylǵy kóktemde sý basý qaýpi bar aimaqtardy atady, dep habarlaidy QazAqparat.
«Jaýǵan qardyń mólsherin, topyraqtyń kúzgi ylǵaldanýyn, topyraqtyń qatý tereńdigin taldai otyryp, sondai-aq qar astynda muz qabyǵynyń bolýyn eskere otyryp, sý tasqyny qaýpi bar aimaqtar anyqtaldy.
Táýekeli joǵary óńirlerge: Aqmola, Shyǵys Qazaqstan, Qaraǵandy, Qostanai jáne Soltústik Qazaqstan oblystary jatady.
Táýekeli ortasha aimaqtarǵa: Aqtóbe, Almaty, Jambyl, Batys Qazaqstan, Pavlodar jáne Túrkistan oblystary kiredi», - dedi vedomstvo basshysy.
Aitýynsha, kúnniń kúrt jylynýy, qardyń qarqyndy erýi, tolassyz jaýyn-shashyn siiaqty qubylystar atalǵan aimaqtardaǵy jaǵdaidy kúrdelendirýi múmkin.
«1 naýryzdan keiin «Qazgidromet» RMK naqty boljam usynatyn bolady, sony eskere otyryp, biz ýaqtyly jetkizý úshin ministrliktiń kúshteri men quraldar toptamasyn túzetemiz jáne qajet bolǵan jaǵdaida rezervtik toptardy qoldanysqa engizemiz», - dedi Tótenshe jaǵdailar ministri.
