قر تٶتەنشە جاعدايلار مينيسترٸ يۋريي يلين بيىلعى كٶكتەمدە سۋ باسۋ قاۋپٸ بار ايماقتاردى اتادى, دەپ حابارلايدى قازاقپارات.
«جاۋعان قاردىڭ مٶلشەرٸن, توپىراقتىڭ كٷزگٸ ىلعالدانۋىن, توپىراقتىڭ قاتۋ تەرەڭدٸگٸن تالداي وتىرىپ, سونداي-اق قار استىندا مۇز قابىعىنىڭ بولۋىن ەسكەرە وتىرىپ, سۋ تاسقىنى قاۋپٸ بار ايماقتار انىقتالدى.
تەۋەكەلٸ جوعارى ٶڭٸرلەرگە: اقمولا, شىعىس قازاقستان, قاراعاندى, قوستاناي جەنە سولتٷستٸك قازاقستان وبلىستارى جاتادى.
تەۋەكەلٸ ورتاشا ايماقتارعا: اقتٶبە, الماتى, جامبىل, باتىس قازاقستان, پاۆلودار جەنە تٷركٸستان وبلىستارى كٸرەدٸ», - دەدٸ ۆەدومستۆو باسشىسى.
ايتۋىنشا, كٷننٸڭ كٷرت جىلىنۋى, قاردىڭ قارقىندى ەرۋٸ, تولاسسىز جاۋىن-شاشىن سيياقتى قۇبىلىستار اتالعان ايماقتارداعى جاعدايدى كٷردەلەندٸرۋٸ مٷمكٸن.
«1 ناۋرىزدان كەيٸن «قازگيدرومەت» رمك ناقتى بولجام ۇسىناتىن بولادى, سونى ەسكەرە وتىرىپ, بٸز ۋاقتىلى جەتكٸزۋ ٷشٸن مينيسترلٸكتٸڭ كٷشتەرٸ مەن قۇرالدار توپتاماسىن تٷزەتەمٸز جەنە قاجەت بولعان جاعدايدا رەزەرۆتٸك توپتاردى قولدانىسقا ەنگٸزەمٸز», - دەدٸ تٶتەنشە جاعدايلار مينيسترٸ.
