Foto: Akorda.kz
Memleket basshysy Qasym-Jomart Toqaev Tótenshe jaǵdailar ministri Iýrii Ilinniń esebin tyńdady, dep habarlaidy "Ult aqparat" Aqordaǵa silteme jasap.
Ministr Prezidentke Túrkiianyń joiqyn jer silkinisinen zardap shekken aimaqtarynda qazaqstandyq qutqarýshylardyń júrgizip jatqan izdestirý-qutqarý jumystary týraly baiandady.
Tótenshe jaǵdailar ministrliginiń qyzmetkerleri qiyn jaǵdailarǵa qaramastan, jergilikti atqarýshy organdarmen tyǵyz bailanysa otyryp, joǵary kásibilik tanytyp, óz mindetterin nátijeli atqaryp jatyr. Ázirge aman qalǵan 4 adam qutqaryldy.
Memleket basshysynyń tapsyrmasymen qutqarýshylar men kinologtar toby habarsyz ketken Qazaqstan azamattaryn izdeý úshin búgin tańerteń Hataiǵa keldi.
Qasym-Jomart Toqaev qazaqstandyq qutqarýshylardyń jumysyna oń baǵa berip, olarǵa sáttilik tiledi.
Sonymen qatar Prezident Úkimetke Islam yntymaqtastyq uiymy arqyly Siriiaǵa gýmanitarlyq kómek jiberýdi tapsyrdy.
