فوتو: Akorda.kz
مەملەكەت باسشىسى قاسىم-جومارت توقاەۆ تٶتەنشە جاعدايلار مينيسترٸ يۋريي يليننٸڭ ەسەبٸن تىڭدادى, دەپ حابارلايدى "ۇلت اقپارات" اقورداعا سٸلتەمە جاساپ.
مينيستر پرەزيدەنتكە تٷركييانىڭ جويقىن جەر سٸلكٸنٸسٸنەن زارداپ شەككەن ايماقتارىندا قازاقستاندىق قۇتقارۋشىلاردىڭ جٷرگٸزٸپ جاتقان ٸزدەستٸرۋ-قۇتقارۋ جۇمىستارى تۋرالى باياندادى.
تٶتەنشە جاعدايلار مينيسترلٸگٸنٸڭ قىزمەتكەرلەرٸ قيىن جاعدايلارعا قاراماستان, جەرگٸلٸكتٸ اتقارۋشى ورگاندارمەن تىعىز بايلانىسا وتىرىپ, جوعارى كەسٸبيلٸك تانىتىپ, ٶز مٸندەتتەرٸن نەتيجەلٸ اتقارىپ جاتىر. ەزٸرگە امان قالعان 4 ادام قۇتقارىلدى.
مەملەكەت باسشىسىنىڭ تاپسىرماسىمەن قۇتقارۋشىلار مەن كينولوگتار توبى حابارسىز كەتكەن قازاقستان ازاماتتارىن ٸزدەۋ ٷشٸن بٷگٸن تاڭەرتەڭ حاتايعا كەلدٸ.
قاسىم-جومارت توقاەۆ قازاقستاندىق قۇتقارۋشىلاردىڭ جۇمىسىنا وڭ باعا بەرٸپ, ولارعا سەتتٸلٸك تٸلەدٸ.
سونىمەن قاتار پرەزيدەنت ٷكٸمەتكە يسلام ىنتىماقتاستىق ۇيىمى ارقىلى سيريياعا گۋمانيتارلىق كٶمەك جٸبەرۋدٸ تاپسىردى.
