QR Prezidentiniń Jarlyǵymen Iýrii Ilin Qazaqstan Respýblikasynyń Tótenshe jaǵdailar ministri qyzmetine taǵaiyndaldy, dep habarlaidy "Ult aqparat" Aqordanyń resmi saityna silteme jasap.
«Iýrii Viktorovich Ilin Qazaqstan Respýblikasynyń Tótenshe jaǵdailar ministri bolyp taǵaiyndalsyn», - delingen Jarlyq mátininde.
Eske sala ketsek, QR Prezidenti Qasym-Jomart Toqaevtyń Jarlyǵymen elimizde Tótenshe jaǵdailar ministrligi qurylǵan bolatyn.
Sondai-aq Aqordada búgin Iýrii Viktorovich Ilinniń Qazaqstan Respýblikasy Ishki ister ministriniń orynbasary qyzmetinen bosatylǵandyǵyn habarlady.
Ilin Iýrii Viktorovich 1968 jylǵy 9 sáýirde Reseidiń Kýibyshev qalasynda týǵan.
Bilimi joǵary, 1989 jyly I.S. Konev atyndaǵy Almaty joǵary jalpy áskeri komandalyq ýchilishesi – shynjyr taban jáne dóńgelekti mashinany paidalaný jónindegi injener, 2006 jyly Qyrǵyz memlekettik zań akademiiasy – zańger.
«Qurmet» ordenimen (2013 jyly), 8 mereitoi medalimen marapattalǵan.
1985 jyldyń tamyz aiynan bastap I.S. Qonev atyndaǵy Almaty joǵary jalpy áskeri komandalyq ýchilishesiniń kýrsanty;
1989 jyldyń tamyz aiynan bastap Máskeý áskeri okrýgi 2-shi gvardiialyq motoatqyshtar diviziiasynyń73-shi gvardiialyq motoatqyshtar polki motoatqyshtar vzvodynyń komandiri;
1990 jyldyń maýsym aiynan bastap Máskeý áskeri okrýgi 2-shi gvardiialyq motoatqyshtar diviziiasynyń 1-shi gvardiialyq motoatqyshtar polki motoatqyshtar vzvodynyń komandiri;
1992 jyldyń shilde aiynan bastap Ýkrainanyń Sýmsk oblysy Azamattyq qorǵaý 390-kýrstarynyń oqytýshysy;
1993 jyldyń shilde aiynan bastap Ýkrainanyń Sýmsk oblysy Azamattyq qorǵaý 390-kýrstary bastyǵynyń orynbasary;
1996 jyldyń tamyz aiynan bastap Almaty qalalyq Tótenshe jaǵdailar basqarmasy oqytý daiarlaý ortalyǵynyń aǵa ofitseri;
1998 jyldyń maýsym aiynan bastap Almaty qalalyq Tótenshe jaǵdailar basqarmasynyń bólim bastyǵy;
1999 jyldyń maýsym aiynan bastap Almaty qalalyq Tótenshe jaǵdailar basqarma bastyǵynyń orynbasary;
2005 jyldyń naýryz aiynan bastap Almaty qalasy Tótenshe jaǵdailar departamenti bastyǵynyń orynbasary;
2011 jyldyń jeltoqsan aiynan bastap Almaty qalalyq Jumyldyrý daiyndyǵy, azamattyq qorǵanys, avariialar men dúlei zilzalalardyń aldyn alýdy jáne olardy joiýdy uiymdastyrý basqarma bastyǵynyń mindetin atqarýshy;
2012 jyldyń qańtar aiynan bastap Almaty qalalyq Jumyldyrý daiyndyǵy, azamattyq qorǵanys, avariialar men dúlei zilzalalardyń aldyn alýdy jáne olardy joiýdy uiymdastyrý basqarmasynyń bastyǵy;
2013 jyldyń naýryz aiynan bastap Almaty qalasy ákiminiń orynbasary;
2015 jyldyń qazan aiynan bastap Qazaqstan Respýblikasy Prezidenti Ákimshiliginiń memlekettik baqylaý jáne aýmaqtyq-uiymdastyrý jumysy bóliminiń memlekettik inspektory;
2016 jyldyń sáýir aiynan bastap Qazaqstan Respýblikasy Ishki ister ministriniń orynbasary.
