Foto: gov.kz
Tótenshe jaǵdailar ministri qyzmetine Shyńǵys Árinov bekitildi.
«Memleket basshysynyń Jarlyǵymen Shyńǵys Sairanuly Árinov Qazaqstan Respýblikasynyń Tótenshe jaǵdailar ministri bolyp taǵaiyndaldy, ol burynǵy atqarǵan laýazymynan bosatyldy», — delingen Aqordanyń resmi saitynda.
Aita keteiik, Shyńǵys Sairanuly ál-Farabi atyndaǵy Qazaq ulttyq ýniversitetin halyqaralyq qatynastar mamandyǵy boiynsha bitirgen. Qazaq eńbek jáne áleýmettik qatynastar akademiiasynda «Quqyqtaný», Azamattyq aviatsiia akademiiasynda «Tasymaldy, qozǵalysty uiymdastyrý jáne kólikti paidalaný» boiynsha bilim alǵan.
2006-2022 jj. Qazaqstan Respýblikasy Memlekettik kúzet qyzmetiniń kadrynda ártúrli ofitserlik jáne basshy laýazymdarda qyzmet atqardy.
2022 jylǵy qańtarda Qazaqstan Respýblikasy Prezidentiniń Ókimimen Qazaqstan Respýblikasy Memlekettik kúzet qyzmeti bastyǵynyń orynbasary — Prezident kúzet qyzmetiniń bastyǵy bolyp taǵaiyndaldy.
II, III dárejeli «Elbasynyń qaýipsizdigin aibyndy atqarǵany úshin» medalimen jáne «Qazaqstan Respýblikasy Memlekettik kúzet qyzmetine 25 jyl», «Qazaqstan Táýelsizdigine 30 jyl» mereitoilyq medaldarymen, sondai-aq Qazaqstan Respýblikasy Prezidentiniń atynan alǵys hattarmen marapattalǵan.
