Foto: QR TJM
Iýrii Ilin Aqtóbe oblysyndaǵy sý tasqyny ornyna attandy, - dep habarlaidy "Ult aqparat" QR TJM baspasóz qyzmetine silteme jasap.
Premer-ministr Álihan Smaiylovtyń tapsyrmasy boiynsha Tótenshe jaǵdailar ministri Iýrii Ilin jaǵdaidy baǵalaý, Aqtóbe oblysynyń eldi mekenderindegi sý tasqynynyń saldaryn joiý boiynsha jumystardy baqylaý jáne úilestirý úshin Aqtóbe oblysyna attandy.
Eske salaiyq, temperatýranyń kúrt joǵarylaýy jáne qardyń qarqyndy erýi saldarynan Qobda jáne Oiyl aýdandarynyń eldi mekenderin sý basqan bolatyn.
Qutqarýshylar men jergilikti atqarýshy organdardyń kúshimen aldyn ala 400-den astam adam evakýatsiialandy. Qazirgi ýaqytta buryn evakýatsiialanǵan 140 adam óz úiine oraldy, 70-ten astam adam ýaqytsha evakýatsiialaý pýnktinde, 240-tan astam adam týystarynyń úilerinde qalýda. 4 000-nan astam aýyl sharýashylyǵy janýarlary qaýipsiz jerge aidaldy.
Oblystyń atalǵan aýdandarynda júrgizilip jatqan avariialyq-qutqarý jáne shuǵyl jumystarǵa, sý tasqyny saldaryn joiýǵa Tótenshe jaǵdailar ministrligi qutqarý bólimsheleriniń, jergilikti atqarýshy organdar, IIM jáne oblystyń basqa da múddeli qurylymdarynyń jeke quramynan 900-ge jýyq adam, 650 tehnikasy, sonyń ishinde sý sorý quraldary jumyldyryldy.
