فوتو: قر تجم
يۋريي يلين اقتٶبە وبلىسىنداعى سۋ تاسقىنى ورنىنا اتتاندى, - دەپ حابارلايدى "ۇلت اقپارات" قر تجم باسپاسٶز قىزمەتٸنە سٸلتەمە جاساپ.
پرەمەر-مينيستر ەليحان سمايىلوۆتىڭ تاپسىرماسى بويىنشا تٶتەنشە جاعدايلار مينيسترٸ يۋريي يلين جاعدايدى باعالاۋ, اقتٶبە وبلىسىنىڭ ەلدٸ مەكەندەرٸندەگٸ سۋ تاسقىنىنىڭ سالدارىن جويۋ بويىنشا جۇمىستاردى باقىلاۋ جەنە ٷيلەستٸرۋ ٷشٸن اقتٶبە وبلىسىنا اتتاندى.
ەسكە سالايىق, تەمپەراتۋرانىڭ كٷرت جوعارىلاۋى جەنە قاردىڭ قارقىندى ەرۋٸ سالدارىنان قوبدا جەنە ويىل اۋداندارىنىڭ ەلدٸ مەكەندەرٸن سۋ باسقان بولاتىن.
قۇتقارۋشىلار مەن جەرگٸلٸكتٸ اتقارۋشى ورگانداردىڭ كٷشٸمەن الدىن الا 400-دەن استام ادام ەۆاكۋاتسييالاندى. قازٸرگٸ ۋاقىتتا بۇرىن ەۆاكۋاتسييالانعان 140 ادام ٶز ٷيٸنە ورالدى, 70-تەن استام ادام ۋاقىتشا ەۆاكۋاتسييالاۋ پۋنكتٸندە, 240-تان استام ادام تۋىستارىنىڭ ٷيلەرٸندە قالۋدا. 4 000-نان استام اۋىل شارۋاشىلىعى جانۋارلارى قاۋٸپسٸز جەرگە ايدالدى.
وبلىستىڭ اتالعان اۋداندارىندا جٷرگٸزٸلٸپ جاتقان اۆارييالىق-قۇتقارۋ جەنە شۇعىل جۇمىستارعا, سۋ تاسقىنى سالدارىن جويۋعا تٶتەنشە جاعدايلار مينيسترلٸگٸ قۇتقارۋ بٶلٸمشەلەرٸنٸڭ, جەرگٸلٸكتٸ اتقارۋشى ورگاندار, ٸٸم جەنە وبلىستىڭ باسقا دا مٷددەلٸ قۇرىلىمدارىنىڭ جەكە قۇرامىنان 900-گە جۋىق ادام, 650 تەحنيكاسى, سونىڭ ٸشٸندە سۋ سورۋ قۇرالدارى جۇمىلدىرىلدى.
