Qazaqstanda mádeni, buqaralyq jáne sporttyq sharalardyń ótpei qalýynan únemdelgen qarjy respýblikalyq biýdjetke qaitaryldy. Bul týraly Mádeniet jáne sport ministri Aqtoty Raiymqulova Ortalyq kommýnikatsiia qyzmetinde onlain rejimde ótken baspasóz máslihatynda aitty, dep habarlaidy "Ult aqparat".
«Karantin sharalaryna bailanysty únemdelgen qarajat týraly aitar bolsaq, buǵan deiin aitqanymdai josparlanǵan mádeni jáne sporttyq sharalar bolmai qalǵanyn bilesizder. Tipti búkil álem boiynsha iri sporttyq shara sanalatyn Jazǵy Olimpiada oiyndary, Paraolimpiada oiyndary da bolmaityn boldy. Álem chempionattary da josparly merziminde ótpei qaldy. Qazirgi tańda bizdiń sportshylar úide jattyǵýda», - dedi ministr Aqtoty Raiymqulova.
Ministr elde mádeni buqaralyq sharalardyń bári de onlain rejimge aýystyrylǵanyn jetkizdi.
«Shynynda da belgili soma únemdelip qaldy. Iaǵni qarajat ońtailandyrylyp, respýblikalyq biýdjetke berildi», - dedi Aqtoty Raiymqulova.
