Órt sóndirýshiler eki táýlikten astam ýaqyt boiy Qaraǵandy qalasynan birneshe shaqyrym jerde ornalasqan qatty turmystyq qaldyqtar poligonyndaǵy jalynmen kúresýde, dep habarlaidy "Ult aqparat".
19-21 sáýirde Qaraǵandy oblysy Buqar Jyraý aýdany Doskei aýylynyń mańyndaǵy qatty turmystyq qaldyqtar poligonynda órt shyqty. Órtti sóndirýge Tótenshe jaǵdailar departamenti bólimsheleriniń, jergilikti atqarýshy organdardyń jáne uiymdardyń kúshteri jumyldyryldy. Janý alańy 1200 sharshy metrdi qurady. Ol kezde órt quryqtaldy. Alaida, tórt kún ótken soń dál sol poligon aýmaǵyn taǵy da ot sharpyp, eki táýlikten beri jalynmen kúres júrip jatyr.
«Poligon qaita jana bastaǵany týraly aqparat 25 sáýirde kelip tústi. Shaqyrtýǵa TJD men jergilikti atqarýshy organdardyń bólimsheleri jumyldyryldy. Janý aýdany - 1 ga qurady. Otty sóndirýdiń kúrdeliligi janý aýmaǵynyń aýqymdyǵymen jáne janǵysh materialdardyń kóp bolýymen bailanysty. Sondai-aq biiktigi 3 metrden asatyn qoqysta tutanǵan otty sóndirý qatty jeldiń saldarynan qiyndai tústi», - dep málim etti Qaraǵandy oblysy TJD baspasóz qyzmetinen.
Órt sóndirýshiler áli de otpen kúresip jatyr. Oqiǵa ornynda TJD-dan 23 adam jáne 5 tehnika jumys isteýde.
Buqar jyraý aýdanyna qarasty Doskei aýylynda jergilikti aýqymdaǵy tehnogendik sipattaǵy tótenshe jaǵdai jariialandy.
