16 naýryzdan bastap Tótenshe jaǵdai rejimin buzǵany úshin 16 myńnan astam adam ustaldy. Bul týraly QR Aqparat jáne qoǵamdyq damý ministri Dáýren Abaev málim etti, dep habarlaidy QazAqparat.
«16 naýryzdan bastap tótenshe jaǵdai rejimin buzǵany úshin 16 myńnan astam adam ustaldy. Onyń ishinde 12 myńnan astamy ákimshilik jaýapkershilikke tartyldy. 4 myńnan astam material sot qaraýynda», - dedi ministr «Habar 24» telearnasynyń tikelei efirinen.
Sonymen qatar, ol Ishki ister ministrligi indet juqtyrǵan adamdarmen bailanysta bolǵandardy anyqtaý jumystaryn júrgizip jatqanyn atap ótti.
«Densaýlyq saqtaý organdarynyń suraýy boiynsha politsiia 6,5 myńnan astam adamnyń turǵylyqty jerlerin anyqtady. Qazirgi kezde izdeý sharalary tek 7 adamǵa qatysty júrgizilýde», - dedi Dáýren Abaev.
