Tótenshe jaǵdai saldarynan tabysynan aiyrylǵan adamdarǵa 1 ailyq eńbekaqy mólsherinde tólem jasalady. Bul týraly Nur-Sultan qalasy ákimdiginde ótken onlain konferentsiiada aityldy, dep habarlaidy QazAqparat.
«Biyl 23 naýryzda Memleket basshysy Qasym-Jomart Toqaev Tótenshe jaǵdai týraly memlekettik komissiia otyrysynda tótenshe jaǵdai saldarynan tabysynan aiyrylǵan adamdarǵa 1 ailyq eńbekaqy mólsherinde tólem jasaýdy tapsyrdy. Atalǵan tólemder ashyq ótedi jáne resmi jumys istegen adamdarǵa tólenetin bolady. QR Eńbek jáne halyqty áleýmettik qorǵaý ministrligi osyǵan orai tiisti ereje qabyldady», - deidi Nur-Sultan qalasy Jumyspen qamtý jáne áleýmettik qorǵaý basqarmasynyń basshysy Sáýle Nurǵojina.
Ol atalǵan áleýmettik tólemdi kimder ala alatynyn aitty.
«Áleýmettik tólemdi orta jáne shaǵyn biznes sýbektilerinde jumys isteitinder, jumysy toqtap qalǵan jeke kásipkerler ala alady. Tólemdi alý úshin Tótenshe jaǵdai rejimi engizilgenge deiingi 12 ai ishinde memlekettik áleýmettik saqtandyrý qoryna kem degende úsh ai tólem aýdarylǵan bolýy kerek. Tólem alý týraly ótinish jumys berýshige Elektrondy úkimettiń veb-portaly arqyly jiberiledi. Ol úshin qajetti qujattardyń skanerlengen nusqasy men elektorndy qoltańba kerek», - deidi ol.
