QR UQK Shekara qyzmeti tótenshe jaǵdai kezinde 5,7 mln meditsinalyq maska, 37 myńnan astam respirator, 5,7 myń qorǵanys kostiými men 480 qorǵanys kózildirigi, 3,9 mln meditsinalyq qolǵapty alyp ótýge jol bermedi. Bul týraly "Ult aqparat" Shekara qyzmetiniń Facebook-tegi paraqshasyna silteme jasap habarlaidy.
Shekara qyzmeti atap ótkendei, 2020 jyldyń 16 naýryzynan bastap tótenshe jaǵdai kezinde Memlekettik shekarany kesip ótý tártibi belgilengen.
Shekara arqyly kirýge jáne shyǵýǵa shekteý engizildi. Jumys sanitarlyq qyzmetter men kedenniń ózara árekettesýimen tolyq daiyndyq rejiminde júrgizildi. Barlyq ótkizý pýnktterinde aýrý belgileri bar azamattar úshin jeke ótetin joldar bólindi. 1 sanattaǵy elderden keletin áýe kemelerine erekshe shekaralyq baqylaý ornatyldy.
2020 jyldyń 22 naýryzynan bastap basqa elderge áleýmettik mańyzy bar azyq-túlikterdi eksporttaýǵa baqylaý engizildi.
Tótenshe jaǵdai kezinde shekaradan 590 854 tulǵa ótkizilgen (QR – 260 547, sheteldik – 330 307); barlyǵy 282 589 tulǵa kirip (QR – 162 800, sheteldik – 119 789), 308 265 adam shyǵyp ketti (QR – 97 747, sheteldik – 210 518).
238 880 júk kóligi ótkizildi (QR – 115 048, sheteldik KQ – 123 832), 117 997 kólik shyqsa (QR – 576 872, sheteldik KQ – 61125), 120 883 júk kóligi kirdi (QR – 58176, sheteldik KQ – 62707).
