Ishki ister ministrliginiń resmi ókili Nurdildá Oraz eldegi tótenshe jaǵdai rejimi kezinde bankomattarǵa aqsha qalai jetkizilgenin baiandady, dep habarlaidy QazAqparat.
«Qańtardyń qaiǵyly oqiǵalarynda internet pen uialy bailanys shektelip, mobildi jáne elektrondyq tólemderdi júzege asyrý múmkin bolmai qalǵanda azamattar únemi qolma-qol aqshamen qamtamasyz etildi.
Bul ýaqytta «Halyq banktiń» inkassatorlary ómiri men densaýlyǵyna tónetin qaterlerge qaramastan 3,5 myń bank bólimshesine, 6 myńnan astam avtojanarmai quiý beketine, 17,5 myń biznes obektisine shyǵyp, 13 myńǵa jýyq bankomatqa aqsha júktegen», - dedi IIM resmi ókili.
Onyń aitýynsha qaraǵanda, osynaý kúrdeli jaǵdaida politsiia qyzmetkerleri men áskeri qyzmetshiler aqsha tasymalyn qarýly kúzetpen qamtamasyz etken.
«Osy maqsatqa politsiia tótenshe jaǵdai kezinde myńnan astam avtoekipaj ben 4,5 myń qarýly politsiia jasaǵyn bólip bekitti», - dedi Nurdildá Oraz.
Atalmysh brifingide IIM resmi ókili jarylǵysh zarttar men oq-dári taýyp alǵan jaǵdaida ne isteý kerektigin túsindirdi.
«Jarylǵysh materialdar men oq-dáriler taýyp alǵan jaǵdaida olarǵa tiispeý kerek jáne tasymaldaýǵa bolmaidy. Mundai jaǵdaida azamattardan jazataiym oqiǵalar men jaraqattanýdyń aldyn alý úshin politsiiaǵa «102» nemese «112» telefondary boiynsha habarlaýdy suraimyz», - dedi ol.
