Japondyq Toshiba elektr-tehnika korporatsiiasy Resei Federatsiiasy aýmaǵynan tapsyrys alýyn, sondai-aq barlyq investitsiialardy toqtatynyn málimdedi, dep habarlaidy QazAqparat TASS aqparat agenttigine silteme jasap.
Bul týraly kompaniianyń saitynda sársenbi kúni jariialanǵan málimdemesinen belgili boldy
«Biz jaǵdaidy únemi baqylaýda ustap, janjaldyń tez arada sheshiletinine úmittenemiz», - delingen habarlamada. Sondai-aq, korporatsiia atynan halyqaralyq uiymdar arqyly Ýkrainaǵa gýmanitarlyq kómek retinde 100 million ien (774 myń dollar) jiberiletini atap ótilgen.
Sonymen qatar, kompaniia Resei Federatsiiasyndaǵy qyzmetinen túsken paidasy ótken qarjy jylyndaǵy jalpy kiris deńgeiiniń shamamen 0,2%-yn quraǵanyn jazady.
Búginde Reseide resmi tirkelgen japondyq kompaniialardyń úshten bir bóliginen kóbi Ýkrainadaǵy jaǵdaiǵa bailanysty Reseiden ketip nemese eldegi qyzmetin toqtatty. Olardyń ishinde Toyota Motor, Nissan Motor jáne Bridgestone avtokólik óndirýshileri, álem boiynsha eń iri shina óndirýshilerdiń biri Bridgestone bar. Sondai-aq Fast Retailing Co. kompaniiasy elde Uniqlo kiim dúkenderiniń jabylatynyn habarlady.
