Almatyda asa aýyr qylmys jasaǵany úshin 2014 jyldan beri izdeýde júrgen Ibragim Sýliev Túrkiiadan Qazaqstanǵa ekstraditsiialandy, dep habarlaidy "Ult aqparat" Bas prokýratýranyń baspasóz qyzmetine silteme jasap.
Búgin Bas prokýratýra men Qazaqstan IIM Interpolynyń qyzmetkerleri qylmystyq jaýapkershilikke tartý úshin Ibragim Sýlievti Túrkiiadan Qazaqstanǵa ekstraditsiialady.
«Almaty qalasynda asa aýyr qylmys jasaǵany úshin kúdikti jáne ol 2014 jyldan bastap halyqaralyq izdeýde.
Ekstraditsiia qazaqstandyq quqyq qorǵaý organdary men túrik áriptesterdiń ózara úilesimdi is-qimylynyń nátijesinde júzege asty», - delingen habarlamada.
Qazirgi ýaqytta I.Sýliev Astana qalasynyń tergeý izoliatoryna jabyldy.
