Aqmola oblysynyń turǵyny kúieýin tórt jasar qyzyn zorlaǵany úshin aiyptady. Biraq saraptamadan keiin sózinen ainyp qaldy. Endi, jienin jaýapqa tartýdy talap etip otyr, dep habarlaidy Sputnik Qazaqstan agenttigi "Astana" arnasyna silteme jasap.
Kelinshek úsh balasymen turmysqa shyqqan. Jaqynda ol kúieýin tórt jasar qyzyn zorlady dep aiyptady. Politsiiaǵa da aryz túsirgen. Alaida aiyptalýshynyń advokaty áieldiń bárin oidan shyǵaryp otyrǵanyn málimdedi.
Zańgerdiń aitýynsha, kúdikti resmi túrde ajyrasýǵa sheshim qabyldady. Osydan keiin áiel qyzyn ógei ákesi zorlady dep aitýǵa kóndirgen.
"Meniń klientim áieliniń opasyzdyq jasaǵanyn anyqtadym deidi. Al ajyrasýǵa sheshim qabyldap, advokat jaldaǵannan keiin pedofiliia faktileri týraly aryz aiaq astynan shyǵa keldi", - deidi advokat Tórehan Orazbek.
Onyń aitýynsha, meditsinalyq saraptama kezinde balaǵa zorlyq jasalǵany dáleldenbedi. Tósek pen kiimge de saraptama jasaldy. Biraq jynystyq árekettiń izderi tabylmady.
Aqmola oblystyq politsiia departamenti saraptamanyń qorytyndysyn rastady. Bas tergeýshi Ásem Kochýbaevnyń aitýynsha, politsiia pedofiliia týraly aryz túsken kúni sot-meditsinalyq saraptama taǵaiyndaldy. Biraq aitylǵan ýájder dálelin tappady.
"Tergeý kezinde jas qyzdyń ókili sózin ózgertip, zorlyq áreketterin qyzdyń ógei ákesi emes, basqa týysy jasady dep shyqty", - dedi Kochýbaeva.
