اقمولا وبلىسىنىڭ تۇرعىنى كٷيەۋٸن تٶرت جاسار قىزىن زورلاعانى ٷشٸن ايىپتادى. بٸراق ساراپتامادان كەيٸن سٶزٸنەن اينىپ قالدى. ەندٸ, جيەنٸن جاۋاپقا تارتۋدى تالاپ ەتٸپ وتىر, دەپ حابارلايدى Sputnik قازاقستان اگەنتتٸگٸ "استانا" ارناسىنا سٸلتەمە جاساپ.
كەلٸنشەك ٷش بالاسىمەن تۇرمىسقا شىققان. جاقىندا ول كٷيەۋٸن تٶرت جاسار قىزىن زورلادى دەپ ايىپتادى. پوليتسيياعا دا ارىز تٷسٸرگەن. الايدا ايىپتالۋشىنىڭ ادۆوكاتى ەيەلدٸڭ بەرٸن ويدان شىعارىپ وتىرعانىن مەلٸمدەدٸ.
زاڭگەردٸڭ ايتۋىنشا, كٷدٸكتٸ رەسمي تٷردە اجىراسۋعا شەشٸم قابىلدادى. وسىدان كەيٸن ەيەل قىزىن ٶگەي ەكەسٸ زورلادى دەپ ايتۋعا كٶندٸرگەن.
"مەنٸڭ كليەنتٸم ەيەلٸنٸڭ وپاسىزدىق جاساعانىن انىقتادىم دەيدٸ. ال اجىراسۋعا شەشٸم قابىلداپ, ادۆوكات جالداعاننان كەيٸن پەدوفيلييا فاكتٸلەرٸ تۋرالى ارىز اياق استىنان شىعا كەلدٸ", - دەيدٸ ادۆوكات تٶرەحان ورازبەك.
ونىڭ ايتۋىنشا, مەديتسينالىق ساراپتاما كەزٸندە بالاعا زورلىق جاسالعانى دەلەلدەنبەدٸ. تٶسەك پەن كيٸمگە دە ساراپتاما جاسالدى. بٸراق جىنىستىق ەرەكەتتٸڭ ٸزدەرٸ تابىلمادى.
اقمولا وبلىستىق پوليتسييا دەپارتامەنتٸ ساراپتامانىڭ قورىتىندىسىن راستادى. باس تەرگەۋشٸ ەسەم كوچۋباەۆنىڭ ايتۋىنشا, پوليتسييا پەدوفيلييا تۋرالى ارىز تٷسكەن كٷنٸ سوت-مەديتسينالىق ساراپتاما تاعايىندالدى. بٸراق ايتىلعان ۋەجدەر دەلەلٸن تاپپادى.
"تەرگەۋ كەزٸندە جاس قىزدىڭ ٶكٸلٸ سٶزٸن ٶزگەرتٸپ, زورلىق ەرەكەتتەرٸن قىزدىڭ ٶگەي ەكەسٸ ەمەس, باسقا تۋىسى جاسادى دەپ شىقتى", - دەدٸ كوچۋباەۆا.
