Jambyl oblysynda ókpesi 76 paiyz qabynǵan, eki apta boiy jasandy jeldetý apparatymen dem alǵan, kúrdeli jaǵdaidaǵy naýqas emdelip shyqty, dep habarlaidy QazAqparat.
65 jastaǵy Jambyl aýdanynyń turǵyny shilde aiynyń ortasynda Jambyl oblystyq kópbeiindi aýrýhanasynyń juqpaly aýrýlar qurylymyna túsken.
Aýrýhanaǵa túsken kezdegi jaǵdaiy tym aýyr edi. Oǵan qosa naýqasta qant diabeti, arterialdy gipertenziia, tynys alý jetispeýshiliginiń I-dárejesimen qatar intoksikatsiialyq sindromnyń bolýyna bailanysty jansaqtaý bóliminde baqylaýda boldy. Túsken kúnnen bastap, tynys alý jetispeýshiligi II,III-dárejege deiin tómendep, jasandy tynys alý apparatyna qosylǵan.
Der kezinde júrgizilgen keshendi emniń arqasynda patsienttiń jaǵdaiy jaqsarǵan. Naýqastyń ómirin aman alyp qalý úshin dárigerler ony eki apta boiy úzdiksiz baqylaýda ustap, tiisti em-sharalar retin júrgizip otyrdy. Degenmen, qosalqy aýrýlary bolǵandyqtan, áreń ózine kelgen ana tiisti meditsinalyq sharalar nátijesin bergen soń esin jiyp, ózdiginen dem alýǵa kóshti.
«Jaz mezgili toi mezgili demekshi, 4 kún qatarynan uiat bolmasyn dep barǵan edim. Besinshi kúni dene qyzýym kóterilip, álsizdik boiymdy basyp aldy. Býyndarym aýyra bastady. El saldyryp jatqan vaktsinany da alǵan joq edim. Úiden dáriler iship, ýkoldar qabyldadym. Ózdiginen júrgizilgen emnen jaǵdaiym jaqsarmaǵan soń, jedel járdem shaqyrdym. Osylaisha aýrýym odan saiyn asqynyp, jansaqtaý bóliminen bir-aq shyqtym. Munda kelgende eki jaqty pnevmoniia, ókpeniń 76% qabynýy degen diagnoz qoiyldy. Eki jeti ókpeni jasandy jeldetý apparatyna qosýly jattym. Dárigerlerdiń kúsh-jigeriniń nátijesinde qaýipti virýstan aman qaldym. Meni beiindi bólimsheniń palatasyna aýystyrdy, onda emdeýdi jalǵastyrdym. Barsha aq halattylarǵa alǵysymdy bildiremin», - dep, aýrýhanadan shyǵarda aǵynan jaryldy.
