2020 jyldyń 4 aiynda jalpy ishki ónim 4,4 paiyzǵa ósken. Bul týraly QR Ulttyq bankiniń tóraǵasy Ǵalymjan Pirmatov málimdedi, dep habarlaidy Ulysmedia.kz.
«Ekonomikanyń barlyq negizgi salalary ósip keledi. Ekonomikanyń ósýine shikizattyń joǵary baǵasy jáne karantin shekteýlerin alyp tastaý yqpal etti. Álemdegi geosaiasi jaǵdai men Kaspii qubyry konsortsiýmyndaǵy apat qazirgi kezde el ekonomikasyna aitarlyqtai teris áser etken joq», - dedi UB basshysy.
Pirmatovtyń aitýynsha, tutynýshylyq suranys ta oń qarqyndy kórsetip otyr. Bólshek taýar ainalymynyń, iaǵni azyq-túlik pen azyq-túlik ónimine jatpaityn taýarainalymyndaǵy ósim toqtaǵan joq.
«Boljamdarymyzǵa sáikes, 2022 jyly ekonomikanyń ósýi 2,8-3,8 paiyz bolady. Bul óz kezeginde jyl sońyna deiin ekonomikanyń barlyq negizgi salasynda oń dinamikanyń saqtalýyna qatysty bolyp otyr. Alaida geosaiasi daǵdarys, syrtqy suranystyń nasharlaýy, sondai-aq taýar jetkizý tizbekterin qaita qurý jumystary ekonomikanyń ósý qarqynyn tejeidi», - dedi ol.
Ulttyq bank basshysynyń paiymynsha, 2023 jyly jalpy ishki ónimniń ósý qarqyny 3,5-4,5 paiyzǵa deiin qarqyn alady. Buǵan syrtqy suranystyń ósýimen qatar, eksporttyq jáne importtyq jetkizilim tizbekterin qalpyna keltirý yqpal etedi. Munymen qosa, energiia resýrstaryn óndirý kólemin ulǵaitý jáne ishki suranystyń artýy ósimge oń áserin tigizedi.
«2024 jyly naryqtaǵy táýekelderdiń tómendeýi men iri munai-gaz jobalaryn iske asyrý aiasynda óndirý kóleminiń aitarlyqtai ulǵaiýyn eskere otyryp, ekonomika ósimi jalǵasady», - dedi Ǵalymjan Pirmatov.
