Foto: diapazon.kz
Aqtóbede "Tórt aǵaiyndy" uiymdasqan qylmystyq tobynyń jetekshisi Erkin Izbasar qaitys boldy, - dep habarlaidy "Ult aqparat" Tengrinews.kz saityna silteme jasap.
Izbasardyń qaitys bolǵany týraly aqparatty onyń jaqyn dosy Baýyrjan Nurmahanov rastady. Sondai-aq, ol týǵan-týystary men jaqyndary Erkin Izbasardy jerleýge daiyndalyp jatqanyn atap ótti.
"Iá, búgin tańerteń. Qazir bárimizge ońai emes. Erkin kópten beri aýyrǵan bolatyn", - dedi Baýyrjan Nurmahanov.
Eske salaiyq, 2018 jyldyń tamyzynda Aqtóbe oblystyq qylmystyq ister jónindegi mamandandyrylǵan aýdanaralyq sotynyń úkimimen Erkin Izbasar 12 jylǵa bas bostandyǵynan aiyrylǵan edi.
Prokýratýranyń jazany qataitý týraly shaǵymynan soń, qazan aiynda apelliatsiialyq alqa Izbasardyń jazasyn 16 jyl etip ózgertti.
Azattyq radiosynyń málimetine súiensek, úsh jyldan soń, iaǵni 2021 jyldyń 21 qazanynda ol densaýlyǵynyń nasharlaýyna bailanysty Shyǵys Qazaqstan oblysyndaǵy OV-156/20 mekemesinen bosap shyqqan.
Arnaiy meditsinalyq komissiia men túzetý mekemesi basshysynyń, basqa da taraptardyń pikirin eskergen Óskemen soty Erkin Izbasardy densaýlyǵy jaqsarǵanǵa deiin bostandyqqa jibergen. Osy sebepti jazasyn óteýshi Erkin Izbasar únemi quzyrly organdar baqylaýynda bolǵan.
