فوتو: diapazon.kz
اقتٶبەدە "تٶرت اعايىندى" ۇيىمداسقان قىلمىستىق توبىنىڭ جەتەكشٸسٸ ەركٸن ٸزباسار قايتىس بولدى, - دەپ حابارلايدى "ۇلت اقپارات" Tengrinews.kz سايتىنا سٸلتەمە جاساپ.
ٸزباساردىڭ قايتىس بولعانى تۋرالى اقپاراتتى ونىڭ جاقىن دوسى باۋىرجان نۇرماحانوۆ راستادى. سونداي-اق, ول تۋعان-تۋىستارى مەن جاقىندارى ەركٸن ٸزباساردى جەرلەۋگە دايىندالىپ جاتقانىن اتاپ ٶتتٸ.
"يە, بٷگٸن تاڭەرتەڭ. قازٸر بەرٸمٸزگە وڭاي ەمەس. ەركٸن كٶپتەن بەرٸ اۋىرعان بولاتىن", - دەدٸ باۋىرجان نۇرماحانوۆ.
ەسكە سالايىق, 2018 جىلدىڭ تامىزىندا اقتٶبە وبلىستىق قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ ٷكٸمٸمەن ەركٸن ٸزباسار 12 جىلعا باس بوستاندىعىنان ايىرىلعان ەدٸ.
پروكۋراتۋرانىڭ جازانى قاتايتۋ تۋرالى شاعىمىنان سوڭ, قازان ايىندا اپەللياتسييالىق القا ٸزباساردىڭ جازاسىن 16 جىل ەتٸپ ٶزگەرتتٸ.
ازاتتىق راديوسىنىڭ مەلٸمەتٸنە سٷيەنسەك, ٷش جىلدان سوڭ, ياعني 2021 جىلدىڭ 21 قازانىندا ول دەنساۋلىعىنىڭ ناشارلاۋىنا بايلانىستى شىعىس قازاقستان وبلىسىنداعى وۆ-156/20 مەكەمەسٸنەن بوساپ شىققان.
ارنايى مەديتسينالىق كوميسسييا مەن تٷزەتۋ مەكەمەسٸ باسشىسىنىڭ, باسقا دا تاراپتاردىڭ پٸكٸرٸن ەسكەرگەن ٶسكەمەن سوتى ەركٸن ٸزباساردى دەنساۋلىعى جاقسارعانعا دەيٸن بوستاندىققا جٸبەرگەن. وسى سەبەپتٸ جازاسىن ٶتەۋشٸ ەركٸن ٸزباسار ٷنەمٸ قۇزىرلى ورگاندار باقىلاۋىندا بولعان.
