Ulttyq quryltaidyń múshesi, aqyn Svetqali Nurjan Ulytaý tórinde Prezidentke Torǵai óńiri halqynyń amanatyn jetkizdi, dep habarlaidy QazAqparat.
«Eldiń bir ótinishin aita ketkim kelip otyr. Ultymyzdyń ustazy, uly kósemimiz Ahmet Baitursynulynyń týǵanyna biyl 150 jyl tolyp otyr. Torǵai eliniń azamattary maǵan amanat júktedi.
«Sen jetkizshi, bul - jalǵyz Torǵai emes, búkil qazaq eliniń arman-tilegi ǵoi. Ahmet bárimizdiń tóbemizdegi altyn shyraǵymyz ǵoi. Anaý týǵan topyraǵy Sarytúbekti bir qamqorlyqqa alyp, nazaryn salsa eken. Sol jerge jol tartylsa eken, ata qorymy qurmettelse eken, qystaýynyń orny erteńgi toiyna deiin bir qalypqa kelse eken» dep jatyr», - dedi aqyn.
Aita keteiik, Prezident Ulytaý oblysyna jumys sapary aiasynda Ulttyq quryltaidyń alǵashqy otyrysyna qatysyp jatyr.
Keshe Memleket basshysynyń Ulttyq quryltai qurý týraly Jarlyǵy jariialandy.
Ulttyq quryltaidyń qazirgi quramynda Májilis depýtattary men QHA múshelerinen, azamattyq qoǵam men saiasi partiia ókilderinen, sarapshylar men óńirlerdegi qoǵamdyq keńes múshelerinen, kásipkerlerden jasaqtalǵan 117 adam bar.
