ۇلتتىق قۇرىلتايدىڭ مٷشەسٸ, اقىن سۆەتقالي نۇرجان ۇلىتاۋ تٶرٸندە پرەزيدەنتكە تورعاي ٶڭٸرٸ حالقىنىڭ اماناتىن جەتكٸزدٸ, دەپ حابارلايدى قازاقپارات.
«ەلدٸڭ بٸر ٶتٸنٸشٸن ايتا كەتكٸم كەلٸپ وتىر. ۇلتىمىزدىڭ ۇستازى, ۇلى كٶسەمٸمٸز احمەت بايتۇرسىنۇلىنىڭ تۋعانىنا بيىل 150 جىل تولىپ وتىر. تورعاي ەلٸنٸڭ ازاماتتارى ماعان امانات جٷكتەدٸ.
«سەن جەتكٸزشٸ, بۇل - جالعىز تورعاي ەمەس, بٷكٸل قازاق ەلٸنٸڭ ارمان-تٸلەگٸ عوي. احمەت بەرٸمٸزدٸڭ تٶبەمٸزدەگٸ التىن شىراعىمىز عوي. اناۋ تۋعان توپىراعى سارىتٷبەكتٸ بٸر قامقورلىققا الىپ, نازارىن سالسا ەكەن. سول جەرگە جول تارتىلسا ەكەن, اتا قورىمى قۇرمەتتەلسە ەكەن, قىستاۋىنىڭ ورنى ەرتەڭگٸ تويىنا دەيٸن بٸر قالىپقا كەلسە ەكەن» دەپ جاتىر», - دەدٸ اقىن.
ايتا كەتەيٸك, پرەزيدەنت ۇلىتاۋ وبلىسىنا جۇمىس ساپارى اياسىندا ۇلتتىق قۇرىلتايدىڭ العاشقى وتىرىسىنا قاتىسىپ جاتىر.
كەشە مەملەكەت باسشىسىنىڭ ۇلتتىق قۇرىلتاي قۇرۋ تۋرالى جارلىعى جارييالاندى.
ۇلتتىق قۇرىلتايدىڭ قازٸرگٸ قۇرامىندا مەجٸلٸس دەپۋتاتتارى مەن قحا مٷشەلەرٸنەن, ازاماتتىق قوعام مەن ساياسي پارتييا ٶكٸلدەرٸنەن, ساراپشىلار مەن ٶڭٸرلەردەگٸ قوعامدىق كەڭەس مٷشەلەرٸنەن, كەسٸپكەرلەردەن جاساقتالعان 117 ادام بار.
