Qazaq ǵalymy, nýtritsiolog, QR UǴA jáne RMǴA akademigi, Qazaq taǵamtaný akademiiasynyń prezidenti Tóregeldi Sharmanov koronavirýstan saqtaný joldaryn aitty, dep habarlaidy "Ult aqparat".
«Koronavirýstyń úshinshi tolqyny bastaý aldy, saqtyq sharalaryn tolyqqandy ustanbasaq, zardaby aýyr bolary sózsiz. Qazaǵymnyń «saq júrseń, saý júresiń» deýi qazir ózekti bolyp otyr. Indetpen kúresýdiń nátijeli bolýy úshin eń áýeli adamǵa sabyr, tózim kerek. Óitkeni, dál osy keseldiń psihologiialyq saldary – óte aýyr. Biz – nebir jaýgershilik zamandy, asharshylyq náýbetin, túrli aýyrtpalyq kórgen jáne ony jeńgen rýhy berik halyqpyz. Muny da jeńemiz! Immýnitetti kóterý, aýrýǵa aǵzanyń qarsy turý qabiletin arttyrýǵa qazaqtyń ulttyq taǵamdarynyń paidasy erekshe. As mázirinde balyq, jemis-jidek sekildi dárýmenderge bai taǵamdar bolýy qajet. Eń qudirettisi - jylqy eti men qymyz. Et taǵamdaryn molyraq tutyný kerek» dep jazdy Tóregeldi Sharmanov Facebookparaqshasynda.
Onyń aitýynsha, «jaqynyńdy qanshalyqty jaqsy kórseń, sonshalyqty odan alshaq bolǵan jón».
«Muny estigen adam qarama-qaishy oida bolýy múmkin. Bul - búginginiń ustanymy. Bir-birimizge qamqorlyq tanytaiyq! Tóńiregimizdegi adamdardyń aman-saýlyǵyna jaýapkershilikpen qaraiyq» dep túiindedi sózin akademik.
