قازاق عالىمى, نۋتريتسيولوگ, قر ۇعا جەنە رمعا اكادەميگٸ, قازاق تاعامتانۋ اكادەميياسىنىڭ پرەزيدەنتٸ تٶرەگەلدٸ شارمانوۆ كوروناۆيرۋستان ساقتانۋ جولدارىن ايتتى, دەپ حابارلايدى "ۇلت اقپارات".
«كوروناۆيرۋستىڭ ٷشٸنشٸ تولقىنى باستاۋ الدى, ساقتىق شارالارىن تولىققاندى ۇستانباساق, زاردابى اۋىر بولارى سٶزسٸز. قازاعىمنىڭ «ساق جٷرسەڭ, ساۋ جٷرەسٸڭ» دەۋٸ قازٸر ٶزەكتٸ بولىپ وتىر. ٸندەتپەن كٷرەسۋدٸڭ نەتيجەلٸ بولۋى ٷشٸن ەڭ ەۋەلٸ ادامعا سابىر, تٶزٸم كەرەك. ٶيتكەنٸ, دەل وسى كەسەلدٸڭ پسيحولوگييالىق سالدارى – ٶتە اۋىر. بٸز – نەبٸر جاۋگەرشٸلٸك زاماندى, اشارشىلىق نەۋبەتٸن, تٷرلٸ اۋىرتپالىق كٶرگەن جەنە ونى جەڭگەن رۋحى بەرٸك حالىقپىز. مۇنى دا جەڭەمٸز! يممۋنيتەتتٸ كٶتەرۋ, اۋرۋعا اعزانىڭ قارسى تۇرۋ قابٸلەتٸن ارتتىرۋعا قازاقتىڭ ۇلتتىق تاعامدارىنىڭ پايداسى ەرەكشە. اس مەزٸرٸندە بالىق, جەمٸس-جيدەك سەكٸلدٸ دەرۋمەندەرگە باي تاعامدار بولۋى قاجەت. ەڭ قۇدٸرەتتٸسٸ - جىلقى ەتٸ مەن قىمىز. ەت تاعامدارىن مولىراق تۇتىنۋ كەرەك» دەپ جازدى تٶرەگەلدٸ شارمانوۆ Facebookپاراقشاسىندا.
ونىڭ ايتۋىنشا, «جاقىنىڭدى قانشالىقتى جاقسى كٶرسەڭ, سونشالىقتى ودان الشاق بولعان جٶن».
«مۇنى ەستٸگەن ادام قاراما-قايشى ويدا بولۋى مٷمكٸن. بۇل - بٷگٸنگٸنٸڭ ۇستانىمى. بٸر-بٸرٸمٸزگە قامقورلىق تانىتايىق! تٶڭٸرەگٸمٸزدەگٸ ادامداردىڭ امان-ساۋلىعىنا جاۋاپكەرشٸلٸكپەن قارايىق» دەپ تٷيٸندەدٸ سٶزٸن اكادەميك.
