Foto: instagram.com/toregalitoreali
Tóreǵali Tóreálini politsiianyń zańdy talaptaryn oryndamaǵany úshin ákimshilik jaýapkershilikke tartyldy, dep habarlaidy "Ult aqparat" Almaty sottarynyń resmi paraqshasyna silteme jasap.
"Almaty qalasynyń ákimshilik quqyq buzýshylyqtar jónindegi mamandandyrylǵan sotynda Qazaqstan Respýblikasynyń Ákimshilik quqyq buzýshylyq týraly Kodeksiniń 613 baby 1-bóligi boiynsha azamat A.-ǵa qatysty ákimshilik is qaraldy.
Sot 2023 jyldyń 14 maýsymynda A. (Alihanov*, Tóreǵali Tóreáliniń tegi – "Ult aqparat") avtokólikti esirtkige mas kúiinde júrgizip, politsiianyń kólik quralyn toqtatý týraly zańdy talaptaryn oryndamaǵanyn anyqtady.
Sot otyrysynda quqyq buzýshy is materialdarynda baiandalǵan faktilerdi ishinara rastady. Sot qaýlysy boiynsha ol ÁQBtK-niń joǵaryda atalǵan babynda kózdelgen ákimshilik quqyq buzýshylyq jasaǵany úshin kináli dep tanyldy jáne oǵan 3 táýlik merzimge ákimshilik qamaqqa alý túrinde ákimshilik jaza taǵaiyndaldy" - delingen habarlamada.
Sot qaýlysy zańdy kúshine engen joq.
Eske sala keteiik, buǵan deiin Tóreǵali Tóreáli kólik quralyn esirtkige mas kúide basqarǵany úshin ákimshilik jaýapkershilikke tartylǵan bolatyn. Oǵan 7 jyl merzimge kólik júrgizý quqyǵynan aiyra otyryp, 20 táýlikke qamaýǵa alý túrinde ákimshilik jaza qoldanyldy.
