"Kólsai kólderi" tabiǵi parkinde gid jigitti soqqyǵa jyqqan ánshi Tóreǵali Tóreáli qamaýǵa alyndy. Bul týraly Almaty oblysy PD bastyǵynyń tergeý boiynsha orynbasary Rýstam Ábdirahmanov málimdedi, - dep habarlaidy Tengrinews.kz agenttigi.
28 qyrkúiekte Ulttyq park aýmaǵynda, iaǵni Almaty oblysy, Kegen aýdanynda bolǵan buzaqylyq áreketter deregi boiynsha, EQDB-da qylmystyq is tirkelgen bolatyn.
"Búgin, 30 qyrkúiekte kúdikti QR Qylmystyq-protsestik kodeksiniń 128-babyna sáikes ustalyp, ýaqytsha ustaý izoliatoryna qamaldy.
Tergeý isti durys sheshý úshin qajetti jáne jetkilikti mán-jailardy jan-jaqty, tolyq jáne obektiv zertteý úshin zańda kózdelgen barlyq sharany qabyldaidy", - dep jazdy Ábdirahmanov.
Qylmystyq isti tergeý barysy men nátijeleri Almaty oblysynyń Politsiia departamentinde baqylaýǵa alynǵany aityldy.
