Prezident Qasym-Jomart Toqaev aldaǵy kúnderi Úndistan men Koreia Respýblikasyna sapar jasaidy, dep habarlaidy ult.kz.
Aqordanyń málimetinshe, 12–13 qyrkúiekte Memleket basshysy Úndistan Premer-ministri Narendra Modidiń shaqyrýymen BRIKS XVIII sammitine qatysý úshin Niý-Delige jumys saparymen barady.
Prezident «Ornyqtylyqty, innovatsiiany, yntymaqtastyq pen turaqtylyqty nyǵaitý» taqyrybyndaǵy «BRIKS+» formatyndaǵy plenarlyq otyrysta sóz sóileidi. Sondai-aq Narendra Modimen kelissóz júrgizip, birqatar memleket jáne úkimet basshylarymen kezdesedi.
14–16 qyrkúiekte Qasym-Jomart Toqaev Koreia Respýblikasyna memlekettik saparmen barady. Sapar Prezident Li Chje Miońniń shaqyrýymen ótedi.
15 qyrkúiekte Seýlde joǵary deńgeidegi kelissózder uiymdastyrylyp, Qazaqstan men Koreia arasyndaǵy keńeitilgen strategiialyq seriktestikti nyǵaitý máseleleri talqylanady. Budan bólek, Memleket basshysy Koreianyń iri kompaniialarynyń jetekshilerimen kezdesedi.
16 qyrkúiekte Toqaev «Ortalyq Aziia – Koreia Respýblikasy» birinshi sammitine qatysady.
