Prezident Qasym-Jomart Toqaev ulttyq ekonomikany damytý jáne biýdjetti josparlaý máseleleri jóninde keńes ótkizdi, dep habarlaidy ult.kz.
Aqordada ótken jiynǵa Premer-ministr Oljas Bektenov, Prezident Ákimshiliginiń basshysy Roman Skliar, Ulttyq bank tóraǵasy Timýr Súleimenov, Joǵary aýditorlyq palata tóraǵasy Álihan Smaiylov, Premer-ministrdiń orynbasary – Ulttyq ekonomika ministri Serik Jumanǵarin jáne basqa da jaýapty tulǵalar qatysty.
Keńes barysynda Memleket basshysyna ekonomikanyń qazirgi jaǵdaiy, 2027-2029 jyldarǵa arnalǵan áleýmettik-ekonomikalyq damý boljamy jáne respýblikalyq biýdjettiń negizgi parametrleri tanystyryldy.
Qasym-Jomart Toqaev biyl josparlanǵan ekonomikalyq ósim kórsetkishterine qol jetkizip, respýblikalyq jáne jergilikti biýdjetterdiń teńgerimdiligin qamtamasyz etý qajet ekenin aitty.
Prezidenttiń aitýynsha, aldaǵy úsh jylǵa arnalǵan biýdjettiń negizgi basymdyqtarynyń biri – áleýmettik jáne infraqurylymdyq nysandardyń qurylysyn jedeldetý.
Atap aitqanda, aýrýhanalar, balalardy ońaltý ortalyqtary, mádeniet jáne sport nysandarynyń qurylysyn ýaqytyly aiaqtaýǵa basymdyq berilýi tiis.
Memleket basshysy biýdjet qarajatyn tiimdi josparlap, ekonomikanyń turaqty damýyn qamtamasyz etý mańyzdy ekenin atap ótti.
