Aqtóbedegi jaǵajaida topyraq úiindisiniń opyrylýy saldarynan zardap shekken eki balanyń biri aýyr halde jansaqtaý bóliminde jatyr, dep habarlaidy "Ult aqparat".
«Keshe bizge 20 saǵat 15 minýtta bizge topyraqtyń opyrylýynan zardap shekken eki balany ákeldi. Eki jasar balanyń terisi jyrylǵan, biraq qatty zaqym kelmegen. Ony ambýlatoriialyq emdeýge jiberdik. 10 ailyq bala aýyr halde, onyń aiaq-qoly synǵan, ishki organdary zaqymdanǵan», - deidi Aqtóbe meditsinalyq ortalyǵynyń balalar statsionary meditsinalyq direktorynyń mindetin atqarýshy Saǵidolla Dosmaǵambetov.
Jaraqat saldarynan bala eseńgirep qalǵan.
«Ony jansaqtaý bólimine jiberdik, shokqa qarsy terapiia qoldandyq. Bala aýyr halde jatyr», - dedi ol.
Eske sala keteiik, Aqtóbe qalasyndaǵy «Injý» jekemenshik jaǵajaiynda demalyp jatqan adamdardy topyraq úiindisi basyp qalǵan bolatyn. Sonyń saldarynan 2017 jáne 2016 jyly týǵan kishkentai qyzdar zardap shekken.
