Foto: Pexels.com
Byltyr Qazaqstanǵa jumys babymen nemese turaqty turýǵa kelgenderdi eseptemegende, týristik maqsatpen 15,3 mln sheteldik qonaq kelgen. Onyń ishinde 10,4 mln adam elde bir kúnnen kóp ýaqytqa qalyp, sheteldik týrister sanatyna endi. Resmi statistikaǵa sáikes, sheteldik meimandardyń elimizde ortasha bolý merzimi – 4 kún. QR Týrizm jáne sport ministrligi osyndai málimetterdi usynyp otyr, dep habarlaidy Ult.kz.
TMD elderin esepke almaǵanda, Qazaqstanǵa eń kóp týrist kelgen elderdiń tizimi tómendegidei:
Birinshi oryn — Qytai
2024 jyly Qazaqstanǵa 655 myń Qytai azamaty kelgen. Eki el arasynda vizasyz rejimniń engizilýi men áýe qatynasynyń ulǵaiýy týrister sanynyń aitarlyqtai artýyna yqpal etti.
Ekinshi oryn — Úndistan
Ótken jyly 146 myń úndistandyq týrist kelgen. Elder arasyndaǵy tikelei áýe reisteri, vizalyq rejimniń jeńildeýi jáne týristik baǵyttardyń damýy Úndistan azamattarynyń elimizge degen qyzyǵýshylyǵyn arttyryp otyr.
Úshinshi oryn — Túrkiia
Qazaqstanǵa 130 myń túrik azamaty saiahattaǵan. Buǵan turaqty áýe qatynasy men mádeni-iskerlik bailanystardyń nyǵaiýy áser etýde.
Tórtinshi oryn — Germaniia
2024 jyly elimizge 92 myń germaniialyq týrist kelgen. Olar Qazaqstannyń etnotýrizm, tabiǵi jáne mádeni nysandaryna erekshe qyzyǵýshylyq tanytýda.
Besinshi oryn – Ońtústik Koreia
Byltyr Ońtústik Koreiadan Qazaqstanǵa 40 myńǵa jýyq týrist kelgen. Tańǵy shyq elinen keletin týrister aǵyny jyl saiyn turaqty túrde ósip keledi. Buǵan eki el arasyndaǵy tikelei áýe reisteriniń qoljetimdigi, vizalyq rejimniń jeńildeýi, sondai-aq Qazaqstannyń tabiǵatyna, ulttyq taǵamdary men mádeni murasyna degen qyzyǵýshylyqtyń artýy oń áserin tigizýde.
