12 jeltoqsanda Máskeýde Daǵystannyń burynǵy premeri Muhtar Medjidov Resei Federatsiiasynyń Qorǵanys ministrligine arnaiy júieni jetkizilim jasaý barysynda alaiaqtyq jasaǵany úshin 5 jylǵa sottaldy, - dep habarlaidy Massaget.kz portaly RIA Novostige silteme jasap.
"Sot Medjidovke jalpy rejimdegi bes jyldyq koloniia túrinde jaza taǵaiyndady", - dedi sot.
Sonymen qatar, oǵan 900 myń rýbl aiyppul salynyp, memorgandarda 2,5 jyl jumys isteýge tyiym salyndy. Úiqamaqta bolǵan Medjidov sot zalynda qamaýǵa alyndy.
Aita keteiik, bul is boiynsha taǵy bir aiyptalýshy bar.
Aiyptaýshy tarap 2012 jyly sottalýshylar Qorǵanys ministrligimen qoný radiolokatsiialyq júielerin jetkizýge kelisimshart jasasyp, 108 million rýbl avans alǵanyn dáleldegen. Alaida ministrlikke eshqandai júie jetkizilmegen. Aiyptaýshy taraptyń málimetinshe, aiyptalýshylar bastapqyda zaýyt kelisimshartty tehnikalyq turǵydan oryndai almaitynyn bilgen.
Aiyptaýshy tarap Medjidov kelisimshart jasasýǵa jaýapty Qorǵanys ministrliginiń qyzmetkerlerimen jeke tanys bolǵan, olardyń senimin asyra paidalandy jáne zaýyttyń múddelerin qorǵady dep sanaidy.
Aita keteiik, jaqynda eks-premerdiń uly Mýrtýzali Medjidov te sottalǵan bolatyn. Ol qazaqstandyq stýdent Tomiris Baisafanyń ólimine kináli dep tanylyp, 13 jylǵa bas bostandyǵynan aiyrylǵan. Jeltoqsannyń basynda Máskeý qalalyq soty úkimdi bekitti.
