Memlekettik kirister komiteti «18 jastan asqan árbir azamat tólemdi alýǵa quqyly» dep atalatyn videoǵa túsinikteme berdi, dep habarlaidy "Ult aqparat".
«Qazaqstan Respýblikasy Qarjy ministrliginiń Memlekettik kirister komiteti mundai tólemder týraly aqparatty resmi túrde joqqa shyǵardy.
Áleýmettik jelilerde jáne beine portaldarda «18 jastan asqan árbir azamat tólemdi alýǵa quqyly» dep atalatyn beinefilm taralýda.
Atap aitqanda, beinede birneshe jyl ishinde tólengen QQS somalaryn qalai qalpyna keltirý týraly aitylady. Alaiaqtar azamattardy aqshany qaitarý úshin jalǵan veb-saitqa baǵyttaidy. Iaǵni kórermender tólenbegen qarajatty qaitarý boiynsha biryńǵai ótemaqy ortalyǵy veb saityna kirýi kerek. Jalǵan qaitarý týraly nusqaýlyq kezinde avtor kórermennen óziniń derekterin, banktik kartanyń nómirin, sondai-aq sizdiń qarajatyńyzǵa ielik ete alatyn CVV / CVC kodyn kórsetýin suraidy. Beinejazbada nemese jalǵan saittyń ózinde oń pikirler bolýy múmkin, bul jazbalar da shyndyqqa janaspaidy», delingen habarlamada.
Esterińizge sala keteiik, osy jyldyń basynda Qazaqstanda jańa jyl qarsańynda alaiaqtar qurǵan jáne YouTube-te taraǵan fishing internet resýrs anyqtalǵan bolatyn.
Sodan keiin, KZ-CERT servisiniń taldaýy nátijesinde «Internet segmentindegi fishing / alaiaqtyq» dep jiktelgen aqparattyq qaýipsizdik oqiǵasy anyqtaldy, munda paidalanýshylardyń jeke derekteri men bank kartasy týraly málimetter jinaldy.
«Video avtory jańa zań jobasyna sáikes QQS qaitarý úrdisi barlyq satyp alýlar boiynsha júzege asyrylatynyn habarlady. Osy maqsattar úshin «Tólenbegen qarajatty qaitarý úshin» Biryńǵai ótemaqy ortalyǵy»» quryldy, delingen alaiaqtardyń taratqan habarlamasynda.
Biz barlyq qazaqstandyqtardy qyraǵy bolýǵa jáne jalǵan aqparat kózderinen shyqqan kúmándi aqparatqa senbeýge shaqyramyz», delingen habarlamada.
