Kemerovo oblysynyń gýbernatory Aman Tóleev Resei prezidenti Vladimir Pýtinnen «Zimniaia vishnia» saýda ortalyǵynda 64 adamnyń ómirin jalmaǵan órt úshin keshirim surady, dep habarlaidy Baq.kz aqparat agenttigi kremlin.ru saityna silteme jasap.
Kemerovodaǵy órttiń saldaryn joiý týraly kezdesýde Pýtin Tóleevten bolǵan jaǵdai týraly surady.
«Vladimir Vladimirovich, siz maǵan habarlastyńyz. Sol úshin taǵy da zor alǵys aitamyn. Bizdiń aimaqta osyndai jaǵdai bolǵany úshin sizden keshirim suraimyn. Men sizge 27 adam habarsyz joǵalǵanyn aityp edim. Al odan keiin qyrsyq bir emes, shyr ainaldyrdy. Qaryndasymnyń sol jerde qaitys bolǵany týraly estigennen keiin men qandai jaǵdai bolyp jatqanyn túsindim. Sizge qaitadan habarlasqan joqpyn, óitkeni jalpy kórinis kóz aldyma keldi. Siz durys aittyńyz: salǵyrttyq, nemqurailylyq, osyndai jaǵdaiǵa jol berýshilik. Munyń bári kórinip tur. Men kezdesken turǵyndar ol jerde erteńgilik bolǵany jáne otshashý atylǵany týraly aitty. Aldyn ala boljam boiynsha, muny kýágerler aitty. Bári de sodan bastalǵan. Ary qarai ne bolǵanyn ózińiz bilesiz: esikter jabyq, shyǵatyn qosymsha esikter de jabyq jáne jeldetkish iske qosylyp turǵan, al tútin joiǵysh qural bolmaǵan», - dedi Tóleev.
Sondai-aq, gýbernator qaiǵyly jaǵdaidan keiin aktsiia ótkizip jatqan qoǵam belsendileri týraly aitty.
«Ary qarai ádettegidei jaǵdai boldy. Adamdar qaiǵyrǵan jerge oppozitsiia kúshi kelip, sol mańda ornalasqan úilerdi, mekemelerdi aralady. Búgin ol jerde shamamen 200 adam júr. Olar qaza tapqandardyń týǵan-týys, jaqyndary emes. Biz olarmen jumys istep jatyrmyz. Olarǵa «Bireýdiń qaiǵysyn óz máseleńdi sheship alý úshin qoldanýǵa bolmaidy» dep aitamyz. Men sizge qoldan keletin nárseniń bári jasalatynyna ýáde beremin. Meniń mindetim – bireýdiń qaiǵysyn paidalanyp, qandai ekeni belgisiz maqsatqa jetýge jol bermeý», - dedi ol.
Tóleev qaza tapqandardyń otbasyna kómek berý týraly aitty.
«Ár otbasyǵa million rýbl (Úkimetten bólek) kóleminde kómek kórsetildi. Shot ashyldy, biraq másele onda emes. Meniń balamnyń qaitys bolǵanyna 20 jyldan astam ýaqyt ótti, biraq jan jarasy jazylmaidy. Iaǵni, ýaqyt kerek. Biz ár otbasyǵa baǵdarlama ázirleimiz. Kimniń balasy tiri qaldy, olardy 18 jasqa deiin jeteleitin bolamyz. Men sizge ýáde berem», - dedi Tóleev.
Eske sala ketsek, Kemerovoda «Zimniaia vishnia» saýda úiindegi órtten keiin turǵyndar jappai miningke shyǵyp, Aman Tóleevtiń qyzmetten bosatylýyn talap etken.
