Tólebi aýdanynda Kóksáiek jáne Mádeni eldi mekeninde sport keshenderi boi kóteretin boldy. Qazirgi tańda jobalyq-smetalyq qujattarynyń oń qorytyndysy alynyp, oblystyq dene shynyqtyrý jáne sport basqarmasyna usynylǵan, dep habarlaidy oblystyq ákimdiktiń baspasóz qyzmeti.
Sonymen qatar, Birinshi Mamyr eldi mekeninde zamanaýi úlgidegi sporttyq-saýyqtyrý keshenin jáne fýtbol alańshasyn salý úshin 2,50 ga jer telimin bólý jumystary júrgizilýde. Sondai-aq, Momynai jáne Kielitas eldi mekenderinen aýyldyq mádeniet úileriniń qurylysyn salý úshin demeýshiler esebinen jobalyq-smetalyq qujattary ázirlenýde.
Aita keterligi, jyl saiynǵy «Úzdik eldi meken», «Úzdik kóshe» jáne «Úzdik aýla» nominatsiiasy boiynsha júldeli oryn ielengen Kielitas, Qoǵaly, Zertas jáne Tasaryq aýyldyq okrýgterine balalar oiyn alańshasyn ornatýǵa 30 mln teńge qarjy qaralǵan. Atalǵan aýyldyq okrýgterde balalarǵa arnalǵan oiyn alańshalary ornatylatyn bolady.
