Túrkistan oblysynyń Tóle bi aýdanyndaǵy Ońtústik eldi mekeninde qurastyrmaly-qańqaly meditsinalyq tirek ashyldy.
El Táýelsizdigi qarsańynda uiymdastyrylǵan saltanatty sharaǵa oblystyq Densaýlyq saqtaý basqarmasynyń basshysy Muqan Egizbaev pen Tólebi aýdanynyń ákimi Baýyrjan Omarbekov qatysty.
Nebári eki aidyń ishinde boi kótergen zamanaýi qurastyrmaly - qańqaly meditsinalyq tirektiń quny 30 mln.teńgeni quraidy. Nemis tehnologiiasymen jasalǵan bekette feldsher, dáriger - terapevt jáne medbike qyzmet kórsetedi. Osylaisha aýyl turǵyndary alǵashqy kómekti alysqa barmai - aq qoljetimdi jerden ala alady.
Jalpy alańy 125 sharshy metr bolatyn tirek meditsinalyq quraldarmen tolyq jabdyqtalǵan. Tóle bi aýdanynda meditsinalyq tirek ashylyp, ortalyq aýrýhana kúrdeli jóndeýden ótti Bul kúni sondai-aq kúrdeli jóndeýden ótken Tóle bi aýdandyq aýrýhanasy da paidalanýǵa berildi. Ǵimaratta aýrýlardy qabyldaýǵa tolyq jaǵdai jasalǵan. Qabyldaý bóliminde kishi ota bólmesi ashylyp,shuǵyl zerthana jáne diagnostikalyq bólmesi bar. Tóle bi aýdanynda meditsinalyq tirek ashylyp, ortalyq aýrýhana kúrdeli jóndeýden ótti Naýqastardy saralaýǵa yńǵaily kóp fýntskionaldy kereýet ornatylyp, balalardy qaraý bólmesi de ashylyp otyr.
Budan ózge júkti áielderdi qaraý, shuǵyl túrde bosandyrý jáne asa qaýipti infektsiiaǵa kúdikti naýqastardy saralaý bólmelerin kezdestirýge bolady. Bólimder ortaqtandyrylǵan ottegimen tynys alý júiesimen jabdyqtalyp, aýrýlardy qabyldaityn avtokólikke arnalǵan pandýsty estakadalyq jol jańadan salynǵan. Emhanaǵa kelgen naýqastar kezegin kýtý úshin arnaiy zal ashylyp, elektrondy monitorlar men daýysty habarlaǵyshtarmen jabdyqtalǵan.
