Foto: azh.kz
Prezident Qasym-Jomart Toqaev Ulttyq quryltaidyń IV otyrysynda Naýryz merekesi týraly jańa tujyrymdama týraly aitty, dep habarlaidy Ult.kz.
«Kelesi másele. Ulttyq biregeiligimizdi nyǵaitý jolynda mádeniet salasy airyqsha ról atqarady. Ásirese, tól mádenietimizdegi Áz-Naýryz meiramynyń orny bólek.
Naýryz merekesi týraly jańa tujyrymdama ázirlendi. Elimiz Ulystyń uly kúnin 14 naýryzdan, iaǵni Amal kúninen bastap, on kún boiy atap ótetin boldy. Ár kúnge naqty ataý berildi. Jurtshylyq bul bastamany jaqsy qabyldady. Ásirese, Naýryznamadaǵy «Ulttyq kiim kúni» qoǵamnyń zor qoldaýyna ie boldy. Ulttyq kiimderge degen qyzyǵýshylyq arta tústi. Mektepterde, túrli mekemelerde, sondai-aq, iri kompaniialarda ulttyq kiimge mán berile bastady. Suranysqa sai tigin tsehtary ashylyp, jańa brendter, dúkender paida boldy. Osylaisha, ulttyq kiim kiiý birtindep qalypty kóriniske ainalyp keledi. Bul – óte jaqsy úrdis», – dedi Memleket basshysy.
Sondai-aq, Prezident bet-júzdi tumshalaityn qara kiimnen góri ózimizdiń ulttyq kiimderimiz áldeqaida artyq ekenin atap ótti.
«Ásirese, áielderdiń dástúrli kiimi óte ǵajap kórinedi. Sebebi ulttyq kiim bul – bizdiń biregei ulttyq bolmysymyzdyń mańyzdy kórinisi. Ony jan-jaqty dáripteýimiz kerek», – dedi Memleket basshysy.
