Ekologiia, geologiia jáne tabiǵi resýrstar ministri Maǵzum Myrzaǵalievtyń halyq aldyndaǵy eseptik kezdesýinde ońtústik ólkelerdegi sý tapshylyǵy máselesi qalai sheshilip jatqanyn aitty, dep habarlaidy "Ult aqparat".
«Bizdiń aldymyzda sý balansyn saqtaý, sýarmaly jerlerdi 1 mln 600 myń gektardan 3 mln gektarǵa deiin ulǵaitý úshin jańa irrigatsiialyq júieler salý, sý sharýashylyǵy infraqurlymyn jańǵyrtý jáne rekonstrýktsiialaý, tsifrlandyrý, sý únemdeý, kadrlarmen qamtamasyz etý jáne taǵy basqa da mindetter tur», - degen vedomstvo basshysy eldegi sýdyń 45 paiyzǵa jýyǵy Qytaidan, Ortalyq Aziia men Reseiden aǵyp keletinin eske saldy. Degenmen eldegi sý tapshylyǵyn sheshý boiynsha tek Qyrǵyz elimen ǵana naqty kelisimge qol jetkizilgen.
«Qazir sýdyń az tsiklyna tap boldyq. Osyǵan bailanysty vegetatsiialyq kezeńdi ótkizý úshin kórshi eldermen naqty jumys júrgizip jatyrmyz. Qyrǵyz elimen qosymsha sý alý týraly kelistik. Maýsym-tamyz ailarynyń arasynda Toqtoǵul sý arnasynan qosymsha 330 mln tekshe metr sý aǵyzylady. Bul kólem Ózbekstan aýmaǵy arqyly ótkizý týraly ýaǵdalastyqtarǵa qol jetkizildi.
Sondai-aq, tájik jáne ózbek taraptarymen birlesip, «Bahri Todjik» sý qoimasynyń jumys rejimi boiynsha kelisimder júrgizilýde. Osyny eskere otyryp, aqpan-naýryz ailarynda Aýyl sharýashylyǵy ministrligimen birge óńirlerge baryp, diqandarmen kezdesý ótkizdik. Sý sharýshalyǵynda qalyptasyp otyrǵan jaǵdai týraly málimet berip, sýdy kóp qajet tetin daqyldardyń kólemin azaitýdy usyndyq», - dedi maǵzum Myrzaǵaliev.
