ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆتىڭ حالىق الدىنداعى ەسەپتٸك كەزدەسۋٸندە وڭتٷستٸك ٶلكەلەردەگٸ سۋ تاپشىلىعى مەسەلەسٸ قالاي شەشٸلٸپ جاتقانىن ايتتى, دەپ حابارلايدى "ۇلت اقپارات".
«بٸزدٸڭ الدىمىزدا سۋ بالانسىن ساقتاۋ, سۋارمالى جەرلەردٸ 1 ملن 600 مىڭ گەكتاردان 3 ملن گەكتارعا دەيٸن ۇلعايتۋ ٷشٸن جاڭا يرريگاتسييالىق جٷيەلەر سالۋ, سۋ شارۋاشىلىعى ينفراقۇرلىمىن جاڭعىرتۋ جەنە رەكونسترۋكتسييالاۋ, تسيفرلاندىرۋ, سۋ ٷنەمدەۋ, كادرلارمەن قامتاماسىز ەتۋ جەنە تاعى باسقا دا مٸندەتتەر تۇر», - دەگەن ۆەدومستۆو باسشىسى ەلدەگٸ سۋدىڭ 45 پايىزعا جۋىعى قىتايدان, ورتالىق ازييا مەن رەسەيدەن اعىپ كەلەتٸنٸن ەسكە سالدى. دەگەنمەن ەلدەگٸ سۋ تاپشىلىعىن شەشۋ بويىنشا تەك قىرعىز ەلٸمەن عانا ناقتى كەلٸسٸمگە قول جەتكٸزٸلگەن.
«قازٸر سۋدىڭ از تسيكلىنا تاپ بولدىق. وسىعان بايلانىستى ۆەگەتاتسييالىق كەزەڭدٸ ٶتكٸزۋ ٷشٸن كٶرشٸ ەلدەرمەن ناقتى جۇمىس جٷرگٸزٸپ جاتىرمىز. قىرعىز ەلٸمەن قوسىمشا سۋ الۋ تۋرالى كەلٸستٸك. ماۋسىم-تامىز ايلارىنىڭ اراسىندا توقتوعۇل سۋ ارناسىنان قوسىمشا 330 ملن تەكشە مەتر سۋ اعىزىلادى. بۇل كٶلەم ٶزبەكستان اۋماعى ارقىلى ٶتكٸزۋ تۋرالى ۋاعدالاستىقتارعا قول جەتكٸزٸلدٸ.
سونداي-اق, تەجٸك جەنە ٶزبەك تاراپتارىمەن بٸرلەسٸپ, «باحري تودجيك» سۋ قويماسىنىڭ جۇمىس رەجيمٸ بويىنشا كەلٸسٸمدەر جٷرگٸزٸلۋدە. وسىنى ەسكەرە وتىرىپ, اقپان-ناۋرىز ايلارىندا اۋىل شارۋاشىلىعى مينيسترلٸگٸمەن بٸرگە ٶڭٸرلەرگە بارىپ, ديقاندارمەن كەزدەسۋ ٶتكٸزدٸك. سۋ شارۋشالىعىندا قالىپتاسىپ وتىرعان جاعداي تۋرالى مەلٸمەت بەرٸپ, سۋدى كٶپ قاجەت تەتٸن داقىلداردىڭ كٶلەمٸن ازايتۋدى ۇسىندىق», - دەدٸ ماعزۇم مىرزاعاليەۆ.
