BJB men TJB jumystary oqý jylynyń sońyna deiin tek elektrondy túrde saqtalady. Bul týraly áleýmettik jelide onlain talqylaý kezinde QR BǴM Mektepke deiingi jáne orta bilim komitetiniń tóraiymy Maira Meldebekova málim etti, dep habarlaidy QazAqparat.
«2020-2021 oqý jyly jalǵasýda. Birinshi toqsan aiaqtalýǵa jaqyndady. Barlyq mektepterde jiyntyq baǵalaý jumystary bólim boiynsha ótti. Qazir osy oqý jylynyń birinshi toqsanyn qalai qorytyndylaimyz? Jiyntyq baǵalaýdyń nátijesin qalai shyǵaramyz? Ózderińiz bilesizder, bólim boiynsha jiyntyq baǵalaýdyń barlyǵyn 15-18 qazan aralyǵynda ótkizdińizder. Erteńnen bastap barlyq mektepterde toqsandyq baǵalaý júiesi bastalady», - dedi komitet basshysy muǵalimderge qarata aitqan sózinde.
Onyń sózine qaraǵanda, jalpy bilim berý uiymdarynda oqý pánderi kúni jáne ýaqyty turǵysynda árbir mektepte óziniń kestesi boiynsha jasalady.
«BJB men TJB jumystary oqý jylynyń sońyna deiin tek elektrondy túrde saqtalady. Bul boiynsha bizge kóp suraqtar kelip túsedi. Biraz mektep ákimshilikteri osyny qaǵaz túrinde shyǵaryp, sony saqtap qoiýǵa nusqaý beredi eken. Ony isteýdiń qajeti joq. Elektrondy túrde daiyndaǵannan keiin, solai ǵana saqtap qoiasyzdar», - dedi Maira Meldebekova.
Budan buryn habarlanǵandai, oqý jylynyń ekinshi toqsanynda mektepte oqytý formattary boiynsha aldyn ala esepteýler júrgizildi.
Ekinshi toqsanda oqý formattary boiynsha balalardyń boljamdy sany: qashyqtan oqytý formatynda – 2,2 mln, dástúrli formatta – 1,2 mln, onyń ishinde 800 myńnan astam bala kezekshi synyptarda (1-5 synyp), shaǵyn jinaqty 4 010 mektepte 434 myń oqýshy, 13 halyqaralyq mektepte 3 myńǵa jýyq oqýshy (1-7 synyp) bilim alatyn bolady.
