Bokstan álem chempiony ári Olimpiadanyń qola júldegeri Sáken Bibosynov biylǵy maýsymdy qorytyndylap, aldaǵy jylǵa qatysty josparlaryn bólisti dep habarlaidy Olympic.kz.
"Osy maýsymnyń men úshin asa tabysty ótkenine kúmánim joq. Aziia birinshiliginen qola aldym. Tokioda altyn alýdy maqsat etsem de, oiym júzege aspai, qola medalmen oraldym elge. Keiin Belgradtaǵy álem chempionatynda altyn alyp, elimizdiń ánuranyn shyrqattym. "Jyldyń úzdik sportshysy" atanǵanym taǵy bar.
Endi munyń bárine toqmeiilsip qalýǵa bolmaidy. Óitkeni, meniń Olimpiadada top jarsam degen armanym bar. Soǵan naqty qadam basý úshin daiyndyqty qaitadan kúsheitemin. Kelesi jyly kóptegen iri jarystar bar. Sonyń biri - jazǵy Aziia oiyndary.
El namysy synalatyn shaqta aianyp qalmaýymyz kerek. Sondyqtan, keler jylǵa qoiǵan maqsattarym da biik", - deidi Bibosynov.
