بوكستان ەلەم چەمپيونى ەرٸ وليمپيادانىڭ قولا جٷلدەگەرٸ سەكەن بيبوسىنوۆ بيىلعى ماۋسىمدى قورىتىندىلاپ, الداعى جىلعا قاتىستى جوسپارلارىن بٶلٸستٸ دەپ حابارلايدى Olympic.kz.
"وسى ماۋسىمنىڭ مەن ٷشٸن اسا تابىستى ٶتكەنٸنە كٷمەنٸم جوق. ازييا بٸرٸنشٸلٸگٸنەن قولا الدىم. توكيودا التىن الۋدى ماقسات ەتسەم دە, ويىم جٷزەگە اسپاي, قولا مەدالمەن ورالدىم ەلگە. كەيٸن بەلگرادتاعى ەلەم چەمپيوناتىندا التىن الىپ, ەلٸمٸزدٸڭ ەنۇرانىن شىرقاتتىم. "جىلدىڭ ٷزدٸك سپورتشىسى" اتانعانىم تاعى بار.
ەندٸ مۇنىڭ بەرٸنە توقمەيٸلسٸپ قالۋعا بولمايدى. ٶيتكەنٸ, مەنٸڭ وليمپيادادا توپ جارسام دەگەن ارمانىم بار. سوعان ناقتى قادام باسۋ ٷشٸن دايىندىقتى قايتادان كٷشەيتەمٸن. كەلەسٸ جىلى كٶپتەگەن ٸرٸ جارىستار بار. سونىڭ بٸرٸ - جازعى ازييا ويىندارى.
ەل نامىسى سىنالاتىن شاقتا ايانىپ قالماۋىمىز كەرەك. سوندىقتان, كەلەر جىلعا قويعان ماقساتتارىم دا بيٸك", - دەيدٸ بيبوسىنوۆ.
