Iosiro Moridiń otstavkasynan keiin Tokio qalasyndaǵy Olimpiada oiyndaryn uiymdastyrý komitetiniń jańa basshysy bolyp Olimpiada kentiniń meri Sabýro Kavabýti taǵaiyndalady. Bul týraly Ti-bi-es telearnasy habarlady.
Kavabýti 1936 jyly dúniege kelgen. Ol – burynǵy fýtbolshy, qazirgi kezde Japon fýtbol qaýymdastyǵynyń keńesshisi qyzmetin atqaryp keledi.
Juma kúni «Tokio-2020» uiymdastyrý komiteti atqarýshy keńesiniń otyrysy ótýi tiis. Bul sheshim sonyń barysynda qabyldanýy ábden múmkin.
Mori sport komitetteri men federatsiialarda áielder sanyn kóbeitý olardyń otyrystaryn uzartýǵa ákeledi dep aitqan sózine bailanysty týyndaǵan janjaldan keiin kózge túsken.
Uiymdastyrý komitetiniń basshysyn Oiyndardyń birqatar saiasatkerler men demeýshi kompaniialar (sonyń ishinde «Toiota») synǵa alǵan.
Japoniianyń oppozitsiialyq partiialary birlesip el úkimetinen Moridiń otstavkaǵa ketýin tezdetip sheshýdi talap etpekke nietti. Budan basqa, Olimpiada alaýy estafetasynyń 500-ge jýyq qatysýshysy men eriktiler buǵan narazylyq retinde jumystan bas tartqan.
Tokiodaǵy Olimpiada 2020 jyldyń 24 shildesi men 9 tamyz kúnderi aralyǵynda ótýi tiis, alaida pandemiiaǵa bailanysty 2021 jyldyń 23 shildesi men 8 tamyzy aralyǵyna aýystyrylǵan. Bul rette Oiyndardyń «Tokio-2020» degen ataýy saqtalyp qaldy.
