Japoniia astanasyndaǵy Jazǵy Paralimpiada oiyndarynyń jabylý saltanaty aiaqtaldy, dep habarlaidy QazAqparat.
Biyl atalǵan dúbirli dodaǵa álemniń 162 memleketinen 4400-ge jýyq sportshy qatysty. Jarysqa qatysýshylar 22 sport túrinen 539 medal jiyntyǵyn sarapqa saldy.
Atalǵan jarysta elimizdiń atynan barǵan 26 sportshy sporttyń 7 túrinen synǵa tústi. Qazaqstan quramasy dúbirli dodada 1 altyn, 2 kúmis, 1 qola medal aldy. Olardyń arasynan David Degtiarev (para paýerlifting) chempion atandy. Al, para dziýdoshylar Ánýar Sariev, Temirjan Dáýlet jáne Zarina Baibatina kúmis alsa, sýǵa júzýshi Nurdáýlet Jumaǵali qola júldeger boldy.
Aita ketsek, alǵashqy Paralimpiada oiyndary 1960 jyly Italiianyń astanasy Rimde ótti. Oiyndar 18 qyrkúiekte «AkvaAtsetos» stadionynda ashyldy.
Qazaqstandyq sportshylar 1996 jyldan beri Jazǵy Paralimpiada oiyndaryna qatysyp keledi. Buǵan deiin Qazaqstan quramasy sapynan eki sportshy júldege qol jetkizdi. 2016 jyly Braziliianyń Rio-de-Janeiro qalasynda Zýlfiia Gabidýllina erkin mánerde 100 metrge sýǵa júzýden chempion atandy. Sol joly taǵy bir qazaqstandyq Raýshan Qoishybaeva paýerliftingten áielder arasynda 67 kelide kúmis júldege qol sozdy.
Endi Jazǵy Paralimpiada oiyndary 2024 jyldyń 28 tamyz jáne 8 qyrkúiegi aralyǵynda Frantsiia astanasy Parij qalasynda ótkiziledi.
Al Qysqy Paralimpiada oiyndary 2022 jyldyń 4-13 naýryzy aralyǵynda Qytai astanasy Beijiń qalasynda bolady.
