جاپونييا استاناسىنداعى جازعى پاراليمپيادا ويىندارىنىڭ جابىلۋ سالتاناتى اياقتالدى, دەپ حابارلايدى قازاقپارات.
بيىل اتالعان دٷبٸرلٸ دوداعا ەلەمنٸڭ 162 مەملەكەتٸنەن 4400-گە جۋىق سپورتشى قاتىستى. جارىسقا قاتىسۋشىلار 22 سپورت تٷرٸنەن 539 مەدال جيىنتىعىن ساراپقا سالدى.
اتالعان جارىستا ەلٸمٸزدٸڭ اتىنان بارعان 26 سپورتشى سپورتتىڭ 7 تٷرٸنەن سىنعا تٷستٸ. قازاقستان قۇراماسى دٷبٸرلٸ دودادا 1 التىن, 2 كٷمٸس, 1 قولا مەدال الدى. ولاردىڭ اراسىنان داۆيد دەگتيارەۆ (پارا پاۋەرليفتينگ) چەمپيون اتاندى. ال, پارا دزيۋدوشىلار ەنۋار ساريەۆ, تەمٸرجان دەۋلەت جەنە زارينا بايباتينا كٷمٸس السا, سۋعا جٷزۋشٸ نۇردەۋلەت جۇماعالي قولا جٷلدەگەر بولدى.
ايتا كەتسەك, العاشقى پاراليمپيادا ويىندارى 1960 جىلى يتالييانىڭ استاناسى ريمدە ٶتتٸ. ويىندار 18 قىركٷيەكتە «اكۆااتسەتوس» ستاديونىندا اشىلدى.
قازاقستاندىق سپورتشىلار 1996 جىلدان بەرٸ جازعى پاراليمپيادا ويىندارىنا قاتىسىپ كەلەدٸ. بۇعان دەيٸن قازاقستان قۇراماسى ساپىنان ەكٸ سپورتشى جٷلدەگە قول جەتكٸزدٸ. 2016 جىلى برازيلييانىڭ ريو-دە-جانەيرو قالاسىندا زۋلفييا گابيدۋللينا ەركٸن مەنەردە 100 مەترگە سۋعا جٷزۋدەن چەمپيون اتاندى. سول جولى تاعى بٸر قازاقستاندىق راۋشان قويشىباەۆا پاۋەرليفتينگتەن ەيەلدەر اراسىندا 67 كەلٸدە كٷمٸس جٷلدەگە قول سوزدى.
ەندٸ جازعى پاراليمپيادا ويىندارى 2024 جىلدىڭ 28 تامىز جەنە 8 قىركٷيەگٸ ارالىعىندا فرانتسييا استاناسى پاريج قالاسىندا ٶتكٸزٸلەدٸ.
ال قىسقى پاراليمپيادا ويىندارى 2022 جىلدىڭ 4-13 ناۋرىزى ارالىعىندا قىتاي استاناسى بەيجٸڭ قالاسىندا بولادى.
